«Хуторский» деп аталатын қылмыстық топтың жетекшісі ретінде танылған Хасан Қасымбаевқа қатысты сотқа дейінгі тергеу аяқталып, іс материалдары сотқа жіберілді.
Тергеу мәліметіне сәйкес, Хасан Қасымбаев 2024 жылдың қараша айында ұсталып, қамауға алынған. Оған Қазақстан Республикасы Қылмыстық кодексінің бірнеше бабы бойынша айып тағылған:
-
ҚК 125-бап – Адам ұрлау
-
ҚК 194-бап – Бопсалау
-
ҚК 107-бап – Денсаулыққа қасақана жеңіл зиян келтіру
Барлық айыптаулар бойынша іс толық тергеліп, сот қарауына жіберілді.
Әкімдік қызметіндегі ағасы
Тергеу барысында белгілі болғандай, күдіктінің туған ағасы Аслан Қасымбаев оқиға кезінде Талғар ауданы әкімінің аппараты басшысы қызметін атқарған. Қоғамда үлкен резонанс тудырған бұл оқиғадан кейін ол қызметінен кеткен.
«Хуторский» тобы және Шерзат Полат оқиғасы
Еске салайық, бұған дейін қоғамда кең талқыланған Шерзат Полаттың өліміне байланысты болған төбелеске қатысқан бірқатар азаматтар өздерін «хуторский» деп таныстырған. Алайда Алматы облыстық полиция департаменті Талғар ауданында «Хуторский» атауымен ресми тіркелген қылмыстық топтың жоқ екенін мәлімдеді.
Фото: Видеодан алынған кадр
