Шерзат ісінде куәгер ретінде танылған екі қыздың кім екені және олардың оқиға орнына кімдермен бірге барғаны белгілі болды.
Айыптау актісін жариялаған прокурор Дана Сәрсенбайдың мәліметінше, 4 қазанға қараған түні Нұрбол Тоқтаубаев өзінің таныстары – Азамат Тоқтаубаев, Ілиясов, Шынасыл, Сәкиев және Белғожаевты «Қамажай» дүкенінің алдына шақырған.
Оқиғадан бұрын аталған тұлғалардың мейрамханада спирттік ішімдік ішіп отырғаны анықталған. Қызып алған топтың дүкен алдына жанжал шығару мақсатында келгені мәлім болды.
Сол уақытта көпшіліктің назарына іліккен екі қыз – Нұрбекова мен Жақсыгелді де оқиға орнына келген. Олар Белғожаев айдап келген Mercedes-Benz көлігімен басқа күдіктілермен бірге жеткен.
Қазіргі таңда прокурор әр сотталушының әрекетіне жеке-жеке тоқталып, айыптау актілерін жария етіп жатыр. Осыдан соң сот отырысында судья сотталушылардың тағылған айыптармен келісетінін не келіспейтінін анықтайды.
«Жетісу-Ақпарат»
Коллаж: Ulysmedia
