ҚР ҰҚК шегара қызметі Панфилов аудандық шегара басқармасының медициналық қамтамасыз ету бөлімінің фельдшері, прапорщик Венера Ибрагимова саналы ғұмырын әскери салаға арнаған маман.
Білікті маман Венера Тахиржанқызы Алматы қаласындағы республикалық медициналық колледжінің фельдшер мамандығын 1998 жылы тамамдаған. Сол жылы жазда шегара қызметінің №2091 әскери бөлімінің медициналық қамтамасыз ету бөлімшесіне орналасады. Осы кезден бастап өзінің білімі мен еңбегін шегарашылардың денсаулығын тексеруге арнап келеді. Оның батылдығы, шешім қабылдаудағы нақтылығы және жұмысқа деген жауапкершілігі көптеген шегарашының денсаулығын аман сақтап қалуға сеп болды. Еселі еңбегінің арқасында «Ұлттық қауіпсіздік комитетінің ардагері» медалімен марапатталды. Былтыр шегара қызметі Жетісу облысы бойынша департаментінің «Үздік медицина қызметкері» номинациясын жеңіп алды.
