Ішкі істер министрлігі жастар арасында қауіпті интернет-трендтердің, әсіресе swatting деп аталатын – жарылғыш зат қойылды немесе теракт дайындалуда деген жалған хабарламалар таратудың көбейіп бара жатқанын мәлімдеді. Министрлік мұндай әрекеттердің қоғамды дүрліктіріп, оның қауіпсіздігіне нұқсан келтіретінін және бұл үшін ауыр қылмыстық жаза қарастырылғанын ескертті, деп хабарлайды Polisia.kz.
ІІМ Киберқылмысқа қарсы іс-қимыл департаменті мектептер мен сауда орталықтарына бомба қойылды деген жалған ақпарат таратқан жасөспірімдерді анықтау жұмыстарын күшейтті.
Тек соңғы айларда бірнеше дерек тіркелген:
-
Қазақстан мен Шешенстан ІІМ бірлесіп, теракт туралы жалған хабарлама таратқан Ресейдің кәмелетке толмаған азаматын ұстады;
-
Балқаш қаласында 15-16 жастағы екі жасөспірім мектеп пен СОСО-ларға 63 (!) жалған хабарлама жіберген;
-
Астанада ұлтаралық араздық қоздырып, екі елде теракт туралы жалған ақпарат таратқан жасөспірім ұсталды;
-
Ақтау, Тараз, Ақтөбе қалаларында да бірнеше жасөспірім swatting үшін ұсталған;
-
20 қарашада Астанада WhatsApp арқылы мектепке теракт жасалады деп хабарлама таратқан басқа жасөспірім анықталды.
Барлық дерек бойынша сотқа дейінгі тергеулер жүргізілуде.
ІІМ ресми мәліметінше:
Swatting – ауыр қылмыс.
Бұл үшін 5000 АЕК-ке дейін айыппұл немесе 5 жылға дейін бас бостандығынан айыру жазасы қарастырылған.
Полиция ата-аналарға, білім беру ұйымдарына және жастарға:
-
интернеттегі қауіпті трендтерге ермеуге;
-
кез келген «әзілдің» арты – қылмыстық жауапкершілік екенін түсінуге;
-
балалардың онлайн-әрекеттерін бақылауға шақырды.
