Кербұлақ ауданындағы «Сарыөзек-Көктал» автожолының 38 шақырымында жол апаты болды, деп хабарлайды 7-su.kz желілік басылмы.
46 жастағы Toyota Previa жүргізушісі рульді басқара алмай, көліктің аударылуына жол берді. Көлік жүргізушісі оқиға орнында қаза тапты. Үш жолаушы түрлі жарақаттармен аудандық ауруханаға жатқызылды. Аталған факті бойынша қажетті сараптамаларды тағайындай отырып, тергеу амалдары басталды.
Жетісу облысының тәртіп сақшыдары жүргізушілерді жол қозғалысы ережелерін қатаң сақтауға, жылдамдықты шектен тыс асырмауға шақырады.
Фото: Жетісу облысы полиция департаменті
