Елімізге белгілі жазушы Дулат Исабеков коронавирус індетін жеңу үшін сабыр сақтап, тойға барудан бас тарту керек екенін айтты.
— Менің де баратын жерім көп, бірақ бара алмаймын. Туған құдам қайтыс болғанда да бара алмадым. Топырақ сала алмай қалдық. Адам аяғы сиреген соң, 2-3 адам ғана болатынын білгеннен кейін қырқына барып келдім. Басқа кесел — кесел, бұл кеселдің беті жаман, — дейді Дулат Исабеков.
Ол халықты індет кезінде сабыр сақтауға шақырды. «Егер осылай айтқан сөзді тыңдамай, елемей, тойға топырлап бара беретін болсақ — бұл індеттен, бұл кеселден ешқашан құтыла алмаймыз. Осы есімізде болсын», — дейді ол.
