Алтын ұя Алатаудай биіксіз,
Ұстаздардан білім алдық
ұйып біз.
Кіп-кішкентай 7 жасар өспірім,
11 жылда мол даналық
түйіппіз.
Құлагердің дүбірлері
бапталған,
Талай шәкірт жан сарайын
ақтарған.
Миуалы жемістері көгеріп,
Жұпар шашар сіз өсірген
бақтардан.
Талай шәкірт құлашын
кең сермеген,
Талай шәкірт елі үшін
терлеген.
80 жылда жер жаңарып түлесе,
Таң қалдыра небір шәкірт
өрлеген.
80 жылда сол тәрбие ошағы,
Шәкірттері ертеңге үлес
қосады.
Спорт, өнер, ілімдердің
кемесін
Теңіздердің толқынына
тосады.
Бұл мектепте талай үміт
ақталған,
Бұл мектепте орындалды
тәтті арман.
80 жылда талай тойлар
тойланды,
Қуат алып мектептегі
ақ таңнан.
80 жылға жеміс тілеп ой қалды,
Алтын ұя, толтыра бер
қоймаңды.
Жақсылықтың жырыменен
астасқан,
Бүгін міне, қуанышың
тойланды.
Қоймаң толсын жетістікке,
жеңіске,
Тар жолдармен күресе біл,
беріспе.
Шәкірттерің биіктерге
самғасын,
Ақылды бол, қозғаушы боп
әр іске.
Алтын ұя – есімізде мәңгілік,
Өркендей бер шәкірттермен
сән құрып.
Барған сайын ой-санамыз
қайтады,
Бір өзіңмен рухани жаңғырып.
Талай-талай тарих жатыр
үніңде,
Өскен елім ұрпағың
көп түңілме.
Мектебіне құрмет етіп барлығы,
Туған жерге ту тігуде бүгінде.
Салиқалы көрінетін сан мәні,
80 жылда сан тараулы
жолдары.
Туған жердің абыройы
асқақтар,
Болашаққа биік қазақ бағдары.
Саған құрмет етуменен
өтпек күн,
Сенен ақыл, білім алып
көктеппін.
80 жылдық тарихы бар
қашан да,
Қасиеті артық келер мектептің.
Жаңғыру деп жариялап
ұлт әнін,
Бүгін шаттық шапағатын
шырқадым.
Білім берген кең шаңырақ
жасай бер,
Саған келіп құрмет етер
ұрпағың.
Шәкірттерің әлі мақтан етеді,
Атың талай ғасырларға жетеді.
Адамзаттың ақылына
жол ашқан,
Алтын ұям, ілім-білім мекені.
ІЗГІ НИЕТПЕН: мектептің 1964-1965 жылғы түлектері:
Айтжан Оспанова, Айтжан Тінәлиев, Ардақ Алшаңбаев, Әуесбала Омарова, Кенжебек Есімбеков, Қуандық Әбдікәрімов, Люба Желдібаева, Мұрат Естібаев, Мейірбай Теңбаев, Нұрман Желдібаев, Ортақ Ниязбеков, Сағила Шіркінбаева.
Үштөбе қаласы.
