Талдықорған: +9°C
$ 448.72
€ 493.86
₽ 5.49
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

ҚЫРАН ҚҰС НЕ АЛМАЙДЫ, САЛСА БАПТАП

28 қаңтар 2024
РУХАНИЯТ
ҚЫРАН ҚҰС НЕ АЛМАЙДЫ, САЛСА БАПТАП
WhatsAppTelegramFacebook

Құс баптап, саятшылық құру қазақтың қанына сіңген қастерлі өнер. Көшпенділер тіршілігі басталғаннан бері қаймағы бұзылмаған қалпымен жарасымды түрде жалғасын тауып келеді. Ұлтымыздың ерекшелігін айқындап, болмысын айшықтайтын дәстүрді текелілік саятшылар кеңінен насихаттап жүр.

Текелі қаласында «Ұлы Дала дүбірі: текелілік саятшылар сайысы» атты ұлттық ойындар өтті. Шара V Дүниежүзілік көшпенділер ойындарын насихаттау, халқымыздың бойындағы ұлтжандылықты ояту мақсатында ұйымдастырылды.

Заман ілгерілеп, дүние дөңгелеген сайын құс ұшырып, тазы жүгіртетін, атқа мініп дала төсін дүбірге бөлейтін қазақтың саны бұл күні кемігені көпшілікке аян. Әйтсе де әлемге әйгіленіп, қала берді республика, өңір көлемінде  атын шығарып жүргендер бар.  Солардың бірі Иван Лавров. Өзге ұлт өкілі болса да қазақтың саятшылық өнерін жанына жақын тұтып, дәріптеп жүргендердің санатында. Иванның ителгі баптап жүргеніне 1 жыл болған. Ол жақында ғана бірнеше халықаралық байқауға қатысып, сұңқарының бабы мен бағын сынап көрді. Жас жігіттің Жебе атты ителгісі бар. Оның жемтігін жержастандырар сұңқар болуын қалайды. Ұлттық спортқа ден қойған жасты  «Жетісу саятшылары» федерациясының құсбегілері баулып жүр.

– Мен әйгілі құсбегі болғым келеді. Бұл іспен айналысқаныма аз уақыт болса да біраз дүниені көкейіме түйдім. Келешекте құс спортының маманы атанып, оны дамытуды жоспарлап отырмын.  Құстан бөлек, қазіргі уақытта жылқыменде айналысып жүрмін. Бие санын арттырудамын.

Сайыс шымылдығын облыстық «Жетісу саятшылары» ұлттық спорт түрлері федерациясының президенті Бүркітбай Файзолла түрді. Ақсақал ең алдымен шараны ұйымдастырушы қала әкімдігіне алғысын айтып, халық қастерлеген құсбегілік өнер жөніндегі жиған тәжрибесімен бөлісті. Көпшілік алдында ұлттық спорттың кеңінен насихатталуын қолдау керек деген пікірін білдірді. Аталған доданың ерекшелігі мен тәртібін түсіндірді. Сонымен қатар жиында қалалық ардагерлер ұйымының төрағасы Ертай Дүйсебаев бата беріп, қатысушыларға сәттілік тіледі.

Сайыс аясында арнайы көрме ұйымдастырылды. Онда ер-тоқым, жүген, ноқта, тартпа, кұйысқан, өмілдірік, қамшы секілді атәбзелдері мен томаға, тұғыр, балақбау, іргебау, биялай секілді құс әбзелдері халық назарына ұсынылды.

Қыран құстың тілін білетін құсбегілер баптаған 6 бүркіт қолға шақыру, шырға тарту, қоян және түлкіге салу кезеңдерінде қырағылығы мен бабын көрсетті.

Сайыс қорытындысында Ерке атты бүркітімен Әзен Шәймарданұлы 1-орын, Ақжелке атты бүркітімен Түсей Әбдікәрімұлы 2-орын және Айқабақ атты бүркітімен Жасұлан Бүркітбайұлы 3-орын иеленді.

Құмай тазылар жарысында Текелі қаласы және іргелес жатқан Сырымбет, Жетісу ауылдарынан 14 тазы бақ сынады. Қадырхан Әділбековтің Ұшары жеңімпаз атанса, 2-орын Бексұлтан Наухановтың Қыран атты тазысына, 3-орын Керілбек Баянның Ақтөс атты тазысына бұйырды.

Текелі қаласының әкімі Алмас Әділмен қалалық мәслихат төрағасы Бауыржан Тұғылбаев «Ұлы Дала дүбірі: саятшылар сайысы» ұлттық ойындарының жүлдегерлерін құттықтап,  оларға арнайы Диплом мен ақшалай сый-сияпат табыс етті.

Ат жарыстырып, бүркіт баптаған, құс ұшырып, құмай тазымен аң аулаған халқымыздың мәдениеті ұрпақтан ұрпаққа жалғасса деген тілек көптің жүрегінде тұрары сөзсіз. Айта кетсек, биыл «Ұлы Дала дүбірі» ұранымен Астанада қыркүйек айында этникалық спорт түрлерінен V Дүниежүзілік көшпенділер ойындары өтеді. Ат спорты, ұлттық күрес түрлері, садақ ату, жамбы ату, дәстүрлі интеллектуалды ойындар, саятшылық өнер, арқан тарту сынды арнайы көрсетілімдер сайысы төрткүл дүниенің назарында болмақ.

Медет ЖҰМАБАЙ
Фото: massaget.kz 

Қатысты жаңалықтар

«Жетісу» футбол клубы сингапурлық инвестордың басқаруына өтеді

«Жетісу» футбол клубы сингапурлық инвестордың басқаруына өтеді

Бүгін, 10:00
«Таза Қазақстан»: Мектептерде 560 мыңнан астам экологиялық сынып сағаты өткізілді

«Таза Қазақстан»: Мектептерде 560 мыңнан астам экологиялық сынып сағаты өткізілді

Бүгін, 09:30
Қазақстан электрондық үкімет рейтингінде 16-орынға шықты

Қазақстан электрондық үкімет рейтингінде 16-орынға шықты

Бүгін, 09:24
Мемлекет басшысы Қасым-Жомарт Тоқаевтың ІІІ Стратегиялық серіктестер форумында сөйлеген сөзі

Мемлекет басшысы Қасым-Жомарт Тоқаевтың ІІІ Стратегиялық серіктестер форумында сөйлеген сөзі

20 қараша 2026
Ағаштарға цифрлық паспорт беру бастамасы іске қосылды

Ағаштарға цифрлық паспорт беру бастамасы іске қосылды

20 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.