Мемлекет басшысы Қасым-Жомарт ТОҚАЕВ Премьер-Министр Асқар Маминді қабылдады. Онда халық санағының алғашқы нәтижесі жария етілді. Бұл туралы «Жетісу» газеті Президенттің ресми сайтына сілтеме жасап хабарлады.
Қабылдауда Қасым-Жомарт Тоқаевқа биылғы 1 қыркүйек пен 30 қазан аралығында жүргізілген Ұлттық халық санағының алғашқы нәтижелері туралы баяндалды. Асқар Маминнің мәліметі бойынша, қазақстандықтардың жалпы саны 19 169 550 адамға жеткен. Отандастарымыздың 48,71 пайызы – ерлер, 51,29 пайызы — әйелдер болып шыққан.
Қазақстан халқының орта жасы 31,94 жас деп көрсетілген. Санақ қорытындысы бойынша, жалпы халықтың 33,97 пайызы – 17 жасқа дейінгі балалар, 19,72 пайызы – 14-28 жас аралығындағы жастар. Еліміздегі қазақтардың үлесі 70 пайыздан асқан (нақтырақ 70,18 пайыз).
Халықтың 59,05 пайызы, яғни, 11 320 410 адам еңбекке жарамды деп танылған.
«ЖЕТІСУ-АҚПАРАТ»
Сурет — ғаламтордан
