Талдықорғанда жылу желілерін жаңғырту және жол жөндеу жұмыстары қарқынды жүргізіліп жатыр. Қала әкімі Ернат Бәзіл шаһар жұмыстарды көрді.
Қала басшысы ең алдымен Ілияс Жансүгіров көшесінің бойындағы жылу құбырларын жаңғырту жұмыстарымен танысты. Биыл аталған көшеге «Ұлттық жоба» аясында диаметрі 700 мм жылу желілерін жаңғырту жұмысы басталды. Жоба Гагарин көшесі мен Ескелді би көшесі аралығындағы 3,5 шақырым аумақты қамтиды. Жоспарға сәйкес, бұл бағыттағы жұмыстар жоспар бойынша қыркүйек айында толық аяқталады.
Одан бөлек қала әкімі Шевченко және Дайыров көшелерінде жүргізіліп жатқан орташа жол жөндеу жұмыстарының барысын көрді. Қазіргі таңда бұл көшелерде арық желілерін салу, жиек тастарды (бордюр) ауыстыру және жол жабындысын тегістеу жұмыстары жүргізіліп, асфальт жабындысын төсеуге дайындық шаралары қызу атқарылуда.
Қызу жүріп жатқан жұмыстарды көрген Ернат Бәзіл жауапты мердігер ұйымдар мен бөлім басшыларына құрылыс жұмыстарының сапасына ерекше мән беруді айтты. Қала басшысы барлық жобаларды белгіленген мерзімде сапалы аяқтауды тапсырды.
«Жетісу-Ақпарат».
