27 тамыз күні сағат 11:00-де Талдықорған қаласы, Орталық арбатта «Заң мен тәртіп» идеологемасы аясында Жетісу облысында тұрғындардың құқықтық сауаттылығын арттыруға, азаматтардың заңды құқықтары мен мүдделерін қорғауға бағытталған «Құқықтық дәріхана» акциясы ұйымдастырылады.
Акция аясында тұрғындарға тегін құқықтық кеңестер беріліп, азаматтардың өтініштері мен құқықтық мәселелері бойынша мамандардан практикалық түсіндірмелер ұсынылады.
Іс-шараға Жетісу облысы әкімінің орынбасары, облыс прокуроры, полиция департаменті басшысының орынбасары, облыстық басқармалар мен қалалық бөлімдердің басшылары қатысады.
Акцияның басты мақсаты – әр азаматқа құқықтық көмек пен ақпаратты барынша қолжетімді ету, тұрғындардың құқықтық сауаттылығын арттыру және туындаған мәселелерді заң талаптарына сәйкес шешуге ықпал ету.
Бұл ретте мемлекеттік органдар өкілдерінің тұрғындармен ашық форматта кездесуі халықтың құқықтық қажеттіліктерін тікелей зерделеуге мүмкіндік береді. Сонымен қатар, «Құқықтық дәріхана» акциясы Жетісу облысының барлық аудандары мен қалаларында қатар ұйымдастырылып, тұрғындарға тұрғылықты жеріне қарамастан тегін құқықтық кеңес алуға мүмкіндік беруде. Акция аясында жергілікті деңгейдегі мемлекеттік органдардың жауапты мамандары азаматтардың сұрақтарына жауап беріп, заңнама нормаларын түсіндіру жұмыстарын жүргізеді.
📍Өтетін орны: Талдықорған қаласы, Орталық арбат (Н.Назарбаев даңғылы жағынан)
🗓 Күні: 27 тамыз, 2026 жыл
⏰ Уақыты: 11:00
📞 Байланыс: 8 705 525 1920
👥 Ұйымдастырушы: Жетісу облысы ішкі саясат басқармасы
