Әл-Фараби атындағы ҚазҰУ-дың философия және саясаттану факультетінің педагогика және білім беру менеджменті кафедрасында ерекше мазмұнды семинар өтті.
«Зерттеушілік дағдылар: қалыптастыру жолдары мен тәжірибелік әдістер» тақырыбында өткен семинар білім алушылардың ғылыми зерттеулерге қызығушылығын арттыруды, зерттеу дағдыларын меңгеруге бағыт-бағдар беруді мақсат тұтқанын айта кеткен жөн.
Семинарды ұйымдастырушы әрі негізгі баяндамашылар ретінде өздерінің кәсіби тәжірибесімен бөлісіп, зерттеу жұмысын жүргізудің маңыздылығын түсіндірді. Оқушыларға зерттеу жұмысын жүргізудің тиімді тәсілдерін таныстырып, өз тәжірибелерінен нақты мысалдар келтірді.
Семинар басталған сәттен-ақ қатысушылардың қызығушылығы жоғары болды. Баяндамашылар дайындаған слайд-презентациясы білім алушылар мен мұғалімдердің назарын бірден аударды. Презентацияда ғылыми зерттеу жұмысының негізгі кезеңдері, әдістері және нәтижелерді қорытындылау жолдары жан-жақты қарастырылды.
Жиын барысында аналитикалық ойлау қабілетін дамытудың әдістері, зерттеу нәтижелерін дұрыс қорғаудың маңыздылығы да айтылды.
Семинар соңында қатысушылар пікір алмасып, өздерін қызықтырған сұрақтарын қойды. Әр сұраққа нақты әрі түсінікті жауап беріп, өздерінің ғылыми жобаларын бастауға мотивация берді.
Мұндай шаралар шығармашылық және зерттеушілік қабілеттерін дамытуға үлкен үлес қосады. Бұл семинар оның айқын дәлелі болды. Қатысушылар семинардан жаңа идеялар мен құнды ақпарат алып, болашақта зерттеу жұмысымен айналысуға дайын екендіктерін көрсетті.
Ш.Таубаева,
әл-Фараби атындағы ҚазҰУ-дің
профессоры
Қарашаш ЕМБЕРГЕНОВА,
Тоғжан БАХТИНА,
Гүлсайраш АУТАН,
физика білім беру
мамандығының 1-курс
докторанттары
