Оқи отырыңыз
Облыс әкімі Амандық Баталов Қапшағай қаласына арнайы ат басын бұрып, берілген тапсырмалар бойынша қаланың абаттандыру жұмыстарының нәтижелерімен танысты. Қапшағай қаласының әкімі Талғат Қайнарбеков қалалық саябақ аумағын дамыту тұжырымдамасымен, жағажай аумағын дамыту, көп қабатты үйлердің аулаларын абаттандыру сызбасымен, сол сияқты Мәдениет үйлері мен дене шынықтыру, сауықтыру кешендері құрылыстарының үлгілерімен таныстырды.
Заманауи үлгідегі ланд- шафтық дизайн элементтерінен құралѓан тұсаукесер рєсімі орталық саябақта өтті. Облыс әкімі Мәдениет үйлері мен тұрѓын үй құрылысы жобаларын єлі де егжей-тегжейлі қарастырып, биылға жоспарланған құрылыс жұмыстарын мерзімінен кешік тірмей бастауды тапсырды.
Бұдан кейін облыс әкімі 104 орынды мінбері бар жаңа стадионда болды. Стадион жанында футбол, волейбол, теннис, бокс, баскетбол ойнайтын бес спорттық алаң бар. Бұл жобаларды жүзеге асыруға 138,5 млн. теңге қаражат жұмсалған. Сонымен қатар қалалық жағажайда жүргізіліп жатқан құрылыс жұмыстары да таныстырылды. Жаз шыға шомылу науқаны қызатын бұл аймақта демалушыларға қолайлы жағдай қалыптастыру үшін барлық мүмкіндік жасалған.
Жағажайға баратын жол салынып, автокөліктер тұрақтайтын орын да ойластырылған. Жүгіруге, серуендеуге, жаяу жүргіншілерге арналған жолдарда жол жамылғысы түрлі түсті тастан жасалып, жан-жағы гүлзарлармен көмкеріліп, жүргіншілер демалатын орындықтар қойылған. Жағалау аймағында 200 автокөлікке арналған автотұрақ бар. Барлыќ жұмыс өткен жылдыњ ақпанынан маусым айына дейін жүргізілді. Жобаны іске асыруға 557,7 млн. теңге қаражат жұмсалып отыр.
Жоспар бойынша кезекті бағыт тұрѓын үйлер аулаларын аралаумен жалғасты. 1-шағын аудандағы № 24, 25 үйлер алаңдарына балаларға арналған футбол, ойын алаңдары салынған. Кіреберістегі асфальт жабындысы ауыстырылып, көгалдандырылып, орындықтар орнатылып, қоқыс жәшіктері қойылған. Абаттандырудың ерекшелігі сол, бірнеше аула бір футбол алаңына біріктірілген, жеке аумақтарда «МаксДорСтройСервис» ЖШС дайындаған балалар әткеншектері, орындықтар қойылған. Аталмыш серіктестіктің бас директоры Александр Скоропатскийдің айтуынша, алаңќайдағы ойын құрылғылары ұзаќ мерзім қызмет етеді, сапалы, қауіпсіз єрі қолайлы.
Өз кезегінде қала әкімі биыл аулаларды абаттандыру барысында тұрғындар тарапынан түскен ұсыныс-пікірлердің ескерілгенін айтты. Енді бірқатар аулада хоккей алаңдарын салу жоспарда бар. Жалпы өткен жылы 29 аула абаттандырылса, енді 30 ауланы жаңғыртуға қаржы қарастырылып, құрылыс жұмыстары жүргізілетін болады.
Бұдан әрі «Қапшағайжылу» МКК-нің су жылыту қа- зандығы жанында әңгіме өрбіді. Қапшағай қаласы мен Заречный ауылының қазандықтарын алдағы уақытта табиғи газға қосудың жолдары қарастырылып, техникалық шарттары жасалуда. Бұл қатты отынға қарағанда әлде- қайда тиімді.
Қаланы абаттандыру барысындағы жұмыстардың сапалы жүзеге асып жатқанын көрген облыс әкімі жиынға қатысқан басқа аудан, қала әкімдерін осы істің нәтижесін көзбен көріп, көңілмен түйіп, үлгі алуға әдейі шақырғанын айтып өтті.
Амандық Ғаббасұлы бұдан соң Қапшағайда облыс әкімдігінің көшпелі мәжілісін өткізді. Мәжіліс жиынында облыс әкімі Жамбыл, Көксу аудандары мен Қапшағай қаласының жыл ағымындағы әлеуметтік-экономикалық дамуы мен келер жылдың жоспарлы жұмыстарымен танысты. Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауына сәйкес облыс экономикасының дамуына күш салу керектігін баса айтты. Сонымен қатар жұмыспен қамту және әлеуметтік бағдарламалар, ауылшаруашылығы саласында атқарылып жатқан жұмыстарға да назар аударып, арнайы тапсырмалар берді.
Мақпал МЫСА,
Қапшағай қаласы.
