Оқи отырыңыз
Денсаулық сақтау министрлігінің Ұлттық сараптама орталығы сәуір-мамыр аралығында кене энцефалитіне 3 200 талдау жүргізді, деп хабарлайды 7-su.kz желілік басылымы.
Нәтижесінде 30 адамның инфекция жұқтырғаны белгілі болды.
Өңірлерде жүргізілген зерттеулер барысында мұндай жағдайлар Шығыс Қазақстан облысы (76,6%), Алматы қаласы (13,3%) және Қостанай (3,3%), Жетісу облыстары (3,3%) бойынша тіркелді, – деп хабарлады санитарлық-эпидемиологиялық бақылау комитеті.
Зерттеулер кене энцефалиті вирусының антиденелерін/антигендерін анықтауға бағытталған генетикалық және иммуноферменттік әдістермен аса қауіпті инфекциялар зертханасында жүргізіледі.
Кене энцефалиті – вирустық жіті инфекциялық ауру. Ауру кене шаққанан кейін күшейеді. Адам ағзасында вирус орталық жүйке жүйесіне (ми мен жұлын) еніп, көбейеді. Кене энцефалитінің инкубациялық кезеңі 14-тен 30 күнге дейін созылады.
