«Ауыл аманаты» бағдарламасының шарапатын көріп отырған жанның бірі – сарқандық Айтжамал Боранғазова. Айтжамал Зейнешқызы 8 млн. теңге қомақты қаржыға несие алып, мал шаруашылығын өрістетуде.
– 2022 жылдың жазында қалалық әкімдікке бардым. Бағдарламаның шартымен танысып, конкурсқа қатысу жолын сұрадым. Мамандар көрсеткен құжаттар тізімдемесін жинадым. Барлық құжатым жинақталып болған соң жеке кәсіпкерлігімнің атына жылына 2,5 пайызбен 8 млн. 600 мың теңге алдым. Сол қаражатқа 22 бас герефорд тұқымды бұқа алып, бордақылап отырмын, – дейді Айтжамал Боранғазова.
Несие қаражатына малға қажетті жемшөп, дәрумендер де алынған.
Бүгінде 2 адамды жұмыспен қамтып отырған Айтжамал Боранғазова болашақта мал басын көбейтіп, мал шаруашылығын өркендету жоспарымен бөлісті.
Шындығында үлкен бизнес кішкентай кәсіптен басталады.
Жақсылық ЖОМАРТҰЛЫ
Сарқан ауданы
Фото: poltavadm.ru