Оқи отырыңыз
Талдықорған қаласындағы Әскери госпиталь базасында «Өмірді сақта» және құқық бұзішылықтардың алдын алу бойынша госпиталдің жеке құрамымен іс-шара өтті.
Оның мақсаты – әскери қызметшілердің жолда жүру кезінде орын алатын жол-көлік оқиғаларын болдырмау, жеке құрамның өмірі мен денсаулығын сақтау.
Шараға Әскери полиция бөлімі әскери автомобильдік полициясы бөлімшесінің өкілдері арнайы шақырылып, әскерилер тарапынан қойылған сұрақтарға нақты жауап берді. Сондай-ақ жеке құрамға түрлі жағдайда орын алатын жол апаты бойынша мысалдар келтіріліп, түсіндірілді.
- Біздің әскери госпиталде құқық бұзушылық оқиғалары сирек кездеседі. Оның себебі, осындай профилактикалық іс-шараларының тұрақты түрде өткізілуінде болып отыр, - дейді Әскери госпиталінің автокөлік жүргізушілер ұйымының бастығы аға сержант Ержан Сүлейов.
Сонымен қатар, аталған іс-шара барысында Әскери полиция өкілдері әр әскери қызметшілердің жеке көліктерінің техникалық жай-күйін қадағалап, ақау табылған жағдайда оны жедел түзету керектігін ұсынды.
– Мұндай шаралар әскери қызметшілер арасындағы жол-көлік оқиғаларын алдын алу және жол қауіпсіздігі ережелерін қатаң сақтау керектігін түсіндіру мақсатында өтеді, – дейді Әскери полиция бөлімі әскери автомобильдік полициясы бөлімшесінің бастығы капитан Ербол Пернебаев.
Айта кетсек, осындай жол қауіпсіздігін алдын алуға қатысты өткізілетін шаралардың маңызы зор.
Жетісу гарнизонының баспасөз қызметі
