Жетісу облыстық онкологиялық орталығында «ӘDILET» партиясы облыстық филиалының сайлауалды штабының өкілдері медицина қызметкерлерімен кездесті.
Кездесуде денсаулық сақтау саласының бүгінгі жай-күйі мен оны одан әрі жетілдіру мәселелері талқыланды. Әңгіме барысында профилактикалық медицинаны дамыту, аурулардың алдын алу, ерте диагностикалау жүйесін жетілдіру, халыққа көрсетілетін медициналық көмектің сапасы мен қолжетімділігіне қатысты пікірлер айтылды.
Спикерлер медицина саласындағы кадрлардың еңбек жағдайын жақсарту, әлеуметтік қолдау тетіктерін жетілдіру және профилактикалық бағыттағы жұмысты күшейтудің маңызын атап өтті. Сонымен қатар, тұрғындардың өмір сүру сапасын арттыруда денсаулық сақтау жүйесінің орны ерекше екенін айтып, әлеуметтік саладағы өзекті мәселелерді шешуде азаматтардың ұсыныстары мен пікірлерін ескерудің маңызды екенін жеткізді.
Кездесу соңында медицина қызметкерлері өз сауалдарын қойып, денсаулық сақтау саласын дамытуға қатысты ұсыныстарын ортаға салды.
«Жетісу-Ақпарат»
