Құрылтай – бабадан қалған аманат, елдік пен бірліктің символы.
Тарихқа көз жүгіртсек, бұрынғы Құрылтай – бабаларымыз ел басына күн туғанда, маңызды шешім қабылдайтын сәтте жиналатын ең қасиетті алқалы жиын болған. Елдің игі жақсылары, билері мен батырлары бір үстел басына жиналып, халықтың болашағын, бірлігін талқылаған.
Бүгінгі таңда Президент бұл ұлттық институтымызды жаңа заман талабына сай қайта жаңғыртты. Заман өзгереді, технология мен қоғам дамиды. Бiз заман көшiнен қалмай дамуымыз керек, бірақ тамырымыз бен тегімізді ұмытпау – басты міндетіміз.
Спортта жүрген азамат ретінде жақсы білемін: құр сөзден нәтиже шықпайды. Жеңіске жету үшін нақты әрекет, тәртіп пен жауапкершілік керек.
Өзгеріс сырттан келмейді, оны өзіміз жасаймыз!
Құрылтайда өз дауысыңды беріп, ел мен өңірдің болашағын бірге қалыптастыру – нағыз азаматтық әрі патриоттық жауапкершілік.
Сондықтанда саяси науқанан әр азамат қалмауы тиіс.
Әділет ТАЛҒАТОВ
«Жетісу» футзал клубының директоры
