Жетісу облысында «Жетісу Су құбыры» мекемесінің қызметкерлерімен кездесу өтті. Басқосуда өңірдің әлеуметтік-экономикалық дамуына, еңбек ұжымдарының жағдайына және тұрғындардың әл-ауқатына қатысты бірқатар мәселе ортаға салынды.
Кездесу барысында әлеуметтік әділеттілікті нығайту, азаматтардың тұрмыс сапасын арттыру және өңірлердің тұрақты дамуына қажетті жағдай қалыптастыру мәселелеріне назар аударылды. Сонымен қатар кәсіпкерлікті қолдау, жаңа жұмыс орындарын ашу және еңбек нарығындағы мүмкіндіктерді кеңейту бағыттары сөз болды.
Әңгіме барысында еңбек адамының құқықтары мен заңды мүдделерін қорғау мәселесі де көтерілді. Қызметкерлер үшін қауіпсіз еңбек жағдайын қамтамасыз ету, еңбекті бағалау және әлеуметтік кепілдіктерді сақтау – еңбек қатынастарының маңызды құрамдас бөлігі екені айтылды.
Сумен жабдықтау және коммуналдық қызмет көрсету саласында еңбек ететін мамандардың жұмысы тұрғындардың күнделікті өмірімен тікелей байланысты. Сондықтан бұл саладағы тұрақты жұмыс, кәсіби мамандарды қолдау және қызмет көрсету сапасын арттыру өңірдің әлеуметтік тұрақтылығы үшін маңызды.
Кездесу соңында қатысушылар өз пікірлерін білдіріп, саладағы өзекті мәселелер бойынша ұсыныстарын ортаға салды. Мұндай кездесулер еңбек ұжымдарының нақты мәселелерін талқылап, оларды шешудің тиімді жолдарын іздеуге мүмкіндік береді.
«Жетісу-Ақпарат»
