Сарқан политехникалық колледжінің қызметкерлері ел өміріндегі маңызды қоғамдық-саяси науқанға белсенді қатысып, дауыс беру арқылы өз азаматтық ұстанымдарын білдірді. Ұжым мүшелері дауыс беруді тек азаматтық міндет ретінде ғана емес, ел болашағына деген жауапкершіліктің көрінісі ретінде қабылдады.
Колледж қызметкерлері арнайы ұйымдастырылған челлендж аясында бірлесе отырып дауыс беруге қатысып, өз әріптестерін де қоғамдық маңызды шарадан шет қалмауға шақырды.
№351 дауыс беру учаскесіне келген қызметкерлер белгіленген тәртіппен өз таңдауын жасады. Әрқайсысы елдің ертеңіне қатысты өз пікірін білдіріп, маңызды қоғамдық науқанға өз үлесін қосты. Осындай бастамалар қоғам мүшелерінің ел тағдырына қатысты маңызды мәселелерге бейжай қарамауына, өз таңдауын еркін әрі жауапкершілікпен атқаруына ықпал етеді.
– Халқымыздың қоғамдық өміріндегі айрықша мәнге ие тарихи оқиғаның бірі – тұңғыш рет өтіп отырған Құрылтай. Бұл – елдің ертеңін ойлаған азаматтардың басын қосып, ортақ мақсат-мүддені айқындайтын маңызды басқосу деп қабылдаймын. Құрылтайдың өтуі – халықтың бірлігі мен ынтымағын нығайтып, елдік мәселелерді кеңінен талқылауға жол ашатын игі бастама. Мұндай жиындарда әр азаматтың пікірі ескеріліп, қоғамның көкейіндегі мәселелер ортаға салынатыны қуантады. Әсіресе ел болашағы, жас ұрпақтың тәрбиесі, ұлттық құндылықтарды сақтау, туған жердің өркендеуі секілді өзекті мәселелердің талқылануының маңызы зор. Тұңғыш рет ұйымдастырылып отырған Құрылтайдың тарихи салмағы да осында. Бұл басқосу кейінгі ұрпаққа елдік бірліктің, өзара түсіністік пен ортақ жауапкершіліктің үлгісі болады деп сенемін. Құрылтайдан көтерілген бастамалар нақты іске ұласып, халық игілігіне қызмет етсе, оның қоғамдық маңызы одан әрі арта түспек. Бүгінде елдің дамуы әр азаматтың белсенділігі мен жауапкершілігіне тікелей байланысты. Сондықтан Құрылтай – тек пікір алмасатын жиын емес, ел болашағына қатысты ортақ ойды тоғыстыратын, азаматтық үнді күшейтетін маңызды алаң, – дейді колледж директоры ЕрланДармышев.
Сарқан политехникалық колледжінің қызметкерлері де осы игі бастаманы қолдап, өз таңдауын жасады. Ұжым мүшелерініңбелсенділігі жастарға да үлгі болары сөзсіз. Себебі колледж қабырғасында білім алыпжатқан білімгерлер еліміздің болашағы. Оларға азаматтық жауапкершіліктің, қоғамдық белсенділіктің жәнеелжандылықтың үлгісін көрсету – ұстаздармен колледж қызметкерлерінің маңыздыміндеттерінің бірі.
