Ынталы ауылының ақсақалдары №52 сайлау учаскесіне арнайы келіп, өз азаматтық таңдауын жасады, – деп хабарлайды 7-su.kz ақпараттық порталы.
Ауылдың аға буын өкілдері таңертеңнен бастап ұйымшылдық танытып, жастарға үлгі-өнеге көрсетті. Ақсақалдардың мұндай саяси шараларға белсене қатысуы өңірдегі тұрақтылықты, ел бірлігін және ұрпақтар сабақтастығын нығайта түседі. Жергілікті тұрғындардың азаматтық белсенділігі ауылдың әлеуметтік-экономикалық дамуына, инфрақұрылымды жақсартуға және жаңа бастамалардың жүзеге асуына тікелей ықпал етеді.
Жетісу өңіріндегі сайлау процесі бекітілген заңнамалық талаптарға сай өтуде. Тұрғындар дауыс беру ережелерімен, өз учаскелерінің орналасу тәртібімен және сайлаушылар тізімімен Қазақстан Республикасы Орталық сайлау комиссиясының ресми ресурсы арқылы таныса алады. Арнайы электрондық платформалар азаматтардың ақпаратты ашық әрі кедергісіз алуына толық мүмкіндік береді.
