«Жетісу» волейбол клубы Талдықорғанда 3-тур аясында «Қуаныш» (Солтүстік Қазақстан облысы) командасымен кездесті. Екі күннің қорытындысы бойынша жалпы есеп – 1:1. Бірінші күні талдықорғандықтар 3:0 (25:23, 25:19, 25:18) есебімен жеңсе, келесі күні өткен тартысты ойында теріскейлік арулардан 2:3 (5:25, 24:26, 25:22, 25:14, 14:16) нәтижесімен жеңілді. Ойындарды Жетісу облысының әкімі Бейбіт Исабаев арнайы келіп көріп, командаға қолдау білдірді. «Жетісу» командасы келесі ойынын 14-15 қараша күндері Талдықорғанда «Берел» (Шығыс Қазақстан облысы) командасымен ойнайды.
Өткен маусымда соңғы турда ғана жеңілген «Жетісу» осы жолы 3-турда сүрінді. Алғашқы доптан-ақ абдырап қалған команда, екі сетте қарсыласына жол берді. Одан кейінгі партияларды өз есебіне шешіп, шешуші бесінші кезеңде сәттілік жетпеді.
– Бірінші кезекте «Қуаныш» командасын лайықты жеңіспен құттықтаймын. Біз ойынға толыққанды кіре алмадық. Бірінші күндегі жеңістің әсері де шығар, босаңсып кеттік. Әсіресе, бірінші сетте допты ойынға қосу барысында қарсыластарымыз бізді тығырыққа тіреді. Қуанатыным, біз 0:2 жеңіліп жатып, ойынды қайтару үшін волейболшыларымыз жанкешті қимылдады. Соңғы сеттегі шиеленіске толы ойында сәттілік жетпеді. Жалпы есеп – 1:1. Тоқтап қамаймыз, қателіктерден қорытынды шығарып, алға жүреміз, – дейді «Жетісу» командасының бас бапкері Марко Гршич.
«Жетісу» сапынан ерекше ойын көрсетіп, сын сәтте жауапкершілікті өзіне алған команданың байланыстырушысы Елизавета Мейстер турдың «Үздік ойыншысы» атанды. «Қуанышпен» болған екінші ойындағы нәтижелі ойыншы – Татьяна Никитина. Ол 17 ұпай (14 шабуыл, 3 эйс) жинады. Жалпы командалардың статистикасына көз жүгірстек.
Шабуыл:
«Жетісу» – 38%, «Қуаныш» – 37%.
Эйс:
«Жетісу» – 6, «Қуаныш» – 9.
Тосқауыл:
«Жетісу» – 12, «Қуаныш» – 14.
«Жетісу-Ақпарат»
