Талдықорған: +6°C
$ 444.16
€ 487.29
₽ 5.40
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

АЛТАЙДАН ҰШҚАН АҚСҰҢҚАР

23 қараша 2024
РУХАНИЯТ
АЛТАЙДАН ҰШҚАН АҚСҰҢҚАР
WhatsAppTelegramFacebook

Төрткүл дүниеге тарыдай шашыраған қандастарымыз еліміз тәуелсіздік алған алғашқы жылдары атажұртқа көш түзеді. Солардың қатарында Алтайдан Алатауға қанат қаққан қарлығаштардың бірі – Ақсұңқар Ақынбаба болатын.


Атажұртқа табаны тиген талантты қыз Талдықорған қаласындағы  І. Жансүгіров атындағы университеттің филология факультетін үздік бітіріп, қызыл диплом иесі атанды. Алғашқы еңбек жолын Қазақстан телерадио компаниясында, «Ақ желкен» журналында бастаған Ақсұңқар Ақынбаба  1999-2002 жылдар аралығында бұрынғы Алматы облыстық «Жетісу» газетінде тілші болып, өңірдің тыныс-тіршілігін қаламына арқау етті. Осылайша атақоныста жоғары білім алып, ақындық қуаты мен журналистік шеберлігін қос бұрымдай өрілтіп, руханиятқа сүбелі үлес қосқан көпқырлы талант иесі Ақсұңқар Ақынбабаның есімі елге ерте танылды. Осы жылдар аралығында ақынның «Мен – Алтайдан ұшқан Ақсұңқар», «Жанартау» жыр жинақтары мен «Жарылыс» атты аударма кітабы жарық көріп, оқырман жүрегінен жылы орын алды.

Қара өлеңнің қаймағын қалқып, қоржынын тоғайтқан белгілі ақын, талантты әнші, аудармашы, педагог, «Дарын» жастар мемлекеттік сыйлығының лауреаты Ақсұңқар Ақынбабаның атажұртына оралғанына 30 жыл толуына орай Қазақстан Жазушылар одағының 90 жылдығы қарсаңында ҚР Мәдениет және ақпарат министрлігінің қолдауымен «Алтай – Алатау арасы» атты авторлық ән-жыр шығармашылық кеші өтті. Ақынның Алматының төрінде дүркіреп өткен кешіне  Қазақстан Жазушылар одағы мен Дүниежүзі Қазақтары Қауымдастығы да қолдау көрсетіп, атсалысты.

Құрманғазы атындағы Ұлттық халық аспаптар оркестрінің концерт залында өткен  кеш шымылдығын әйгілі Құрманғазы атындағы оркестр ашты. Рухты жыр мен жүрек тербер әнге арқау болған кештің салтанатты басталуында ҚР Мәдениет және ақпарат вице-министрі Қанат Ысқақовтың және Қазақстан Жазушылар одағы басқармасының төрағасы Мереке Құлкеновтің құттықтау хаттары табыс етілді.

Біраз үзілістен кейін  көпшіліктің алдына қайтадан шыққан ақын шығармашылық кешін «Рух мәңгі!» деген өлеңімен және сазгер Бейбіт Оралұлы әнін жазған өзінің орындауындағы «Мен оралдым» әнімен бастады. 

«Жалпы Ақсұңқар Ақынбаба ақын ретінде 90-шы жылдардың басында келген буын өкіліне жатады. Оның ақындық әлеуетіне келген кезде, әсіресе, ақын қыздардың ішіндегі ең рухы биік, өлеңдерінде де, өзінің мінезінде де андағайлап тұратын бір ақын болса, ол Ақсұңқар Ақынбаба. Оның елге келгелі бергі 30 жылдың ішінде біраз кітаптары жарық көрді. Кейінгі жылдары сәл саябырсып қалғаны болмаса, бұл шығармашылықта ешқашан тоқтаған ақын емес.  Ақсұңқарды біз 2000-шы жылдың басында әнші ретінде мойындадық. Кәсіби әнші болмағанмен одан бір де кем түспейтін әнші деуге болады. Бұл – екінші қыры. Ал үшінші қырына келер болсақ, Ақсұңқар Ақынбабаның журналистикадағы атқарған шаруалары аз емес. Ол газетте, сондай-ақ Қазақ радиосында өте өнімді жұмыс істеді. Бірталай бағдарламалардың авторы атанды. Сол бағдарламалардың кейбірі шамасы әлі күнге дейін эфирден беріліп келе жатыр. Мысалы, кезінде «Ұйқым келмейді» деген бағдарламасын қалың жұртшылық ұйып тыңдайтын. Оған өзіміз куәміз. Ақсұңқардың жемісті еңбек етер кезі енді туды деп ойлаймыз. Бергенінен берері алда деген үміттеміз»,– дейді ақын, «Үркер» журналының бас редакторы Жарас Сәрсек.

«Тәуелсіздік кезеңіндегі қазақ поэзиясына еңбек етіп жүргеніме ширек ғасырдан асады екен. Ал атажұртыма келгеніме 30 жыл толыпты. Мектеп бітірген жылы келгенмін. Содан бергі уақытта әдебиетке, өнерге қосқан үлесімді, шығармашылықтағы жауһарларымды жинақтай келе «Алтай – Алатау арасы» деген жеке ән-жыр шығармашылық кешімді өткізуді жөн көрдім. Ән-жыр кешім деуімнің себебі, өлеңім мен әнімді қатар алып келе жатпасам да, бұл ақындық пен әншілік қатар қонған өнер. Сол себепті, домбырам мен қаламым – менің қос өнерім, қос қанатым іспетті», – дейді «Жыл адамы – Алтын Адам» атағының иегері, көптеген жыр мүшәйраларының жүлдегері Ақсұңқар Ақынбаба.

«Алтай – Алатау арасы» шығармашылық кеші, аты айтып тұрғандай, ақынның отыз жылда жинақталған шығармашылығы, яғни поэзия мен ән әлемінде шебер үйлестіре жеткізген жырларымен, әуелете салған тамаша әндерімен өріліп,  көрермен көңілін рухани серпілтіп, байыта түскені анық. 

Кеште Ақсұңқардың поэзиясынан арнайы қойылған «Азаттық Рухы», «Алтай жыры», «Романс» қатарлы поэтикалық қойылымдар көрсетіліп, танымал жас әншілердің орындауында «Мәңгілік ел» (әні: Б. Оралұлы), «Түркістаным-Тұраным» (әні: А. Сәндібайұлы) әндерінің тұсауы кесілді. 

Ұлбосын Бөрібайқызы,
журналист

Қатысты жаңалықтар

270 мыңнан астам қазақстандық жасанды интеллект құралдарын қолдануды үйренеді

270 мыңнан астам қазақстандық жасанды интеллект құралдарын қолдануды үйренеді

19 қараша 2026
Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

19 қараша 2026
Қалдықтарды қайта өңдеу және кәдеге жаратудың тиімді тәсілдері талқыланды

Қалдықтарды қайта өңдеу және кәдеге жаратудың тиімді тәсілдері талқыланды

19 қараша 2026
«Таза Қазақстан»: келесі жылы Талдықорғандағы орталық саябақ жаңғыртылады

«Таза Қазақстан»: келесі жылы Талдықорғандағы орталық саябақ жаңғыртылады

19 қараша 2026

Елімізде 44 жаңа мектеп пен 37 балабақша пайдалануға берілді

18 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.