Өңірлік «Даму» қоры орта және шағын кәсіпкерлікке 484 жоба үшін 20 млрд. теңге қаржы бөлді.
Оның ішінде 250 жоба субсидия алса, қалғанына несие алу үшін кепіл болды. Жалпы, облыста 2010 – 2023 жылдар аралығында мемлекеттік субсидия алған кәсіпкерлер 7 мың жаңа жұмыс орнын ашып, бюджетке 249 млрд. теңге салық төледі.
« Умние детки» жекеменшік мектептің басшысы Гаухар Елтайқызы биыл екінші деңгейлі банктен несие алған. «Даму» қоры кәсіпкерлікті дамыту бағдарламасы шеңберінде несиені субсидиялаған. Яғни, қаржының пайызын азайтқан. Оқушылар таңнан кешке дейін мектепте. Үш мезгіл ыстық тамақ беріледі. Бірнеше үйірмеге қалаулары бойынша қатыса алады. Оқу орнында 9 сынып бар. Балалар бірінші сыныптан бастап, ағылшын, цифрлық сауаттылық сабақтарын меңгереді. Дәл осындай мемлекет көмегіне ие болғандардың тағы бірі – Көксу–мед» клиникасы. Қазақ-неміс медициналық орталығы 6 мыңнан аса ота жасаған. Мекемеге офтальмологиялық аппараттар алу үшін қор кепіл болған.
«Көксу–мед» мекемесінің офталмолог-дәрігері Арлан Талғатұлы: «Клиникаға келушілер саны күн санап артып келеді. Балаларды 3 жастан бастап қабылдаймыз. Көзге ем жасау үшін барлық жағдайды жасаймыз. Алдымен қабылдап, диагноз қоямыз. Содан кейін ем тағайындаймыз. Керек болса ота жасаймыз. Мен күніне 30-35 адамды қабылдаймын.
Жалпы, облыста 2010 – 2023 жылдар аралығында мемлекеттік қолдау алған кәсіпкерлер 7 мың жаңа жұмыс орнын ашты. Олар бюджетке 249 млрд. теңге салық төледі.
Әлімхан Тілеужанов : «Даму» кәсіпкерлікті дамыту қоры» жетісу облыстық филиалының директоры: «Даму қоры шағын және орта бизнеске субсидия, кепілдік беріп, жеңілдікпен қаржыландырады. Субсидия –кәсіпкерлердің несиесінің пайызын азайтады. Нәтижесінде кәсіпкерлер үнемделген қаражатты ісін дамытуға жұмсай алады. Бизнес ашарда кепіл мүлік аз болған жағдайда қор кепіл болады»,–дейді .
Талдықорғанда балаларға арналған бассейін ашылғаны белгілі. Сауықтыру орталығы да субсидияның көмегін көрген. Қор арқылы кепілдік алған мекеме дамуында ауытқуы бар балаларды су терапиясы арқылы емдеуде. Орта және шағын кәсіпкерлік алуға жан-жақты көмек көрсетілуде. Кәсіпкерлікпен шұғылданушыға жол ашық. Іскерлік – табыстың кепілі.
Гүлжан Тұрсын
