Сыбайлас жемқорлыққа қарсы іс-қимыл агенттіні Талдықорған сотының хатшысы 40 миллион теңге пара алды деген күдікпен қамауға алынғанын мәлімдеді.
Антикордың ресми өкілі Данияр Бигайдаровтың айтуынша, бүгінде хатшыға қатысты тергеу аяқталған.
“Қазіргі уақытта Талдықорған қалалық сот отырысының хатшысы мен екі азаматқа қатысты алаяқтық дерегі бойынша тергеу аяқталды”, – деді ол.
Тергеу мәліметіне сәйкес полицияның экс-басшысының әйелінен жәбірленушінің жауабын өзгертіп беру үшін берілген 40 миллион теңгенің жартысын алған. Қалған 20 миллионы жәбірленуші мен оның сыбайласына соттағы жауабын өзгертеді деген желеумен берілген екен.
Еске салайық, Талдықорған қалалық полициясының экс-басшысы Марат Күштібаев қыз зорлады деп айыпталып, 11 жылға сотталған еді. Кейін Күштібаевқа қатысты тағы бір іс қозғалғаны белгілі болды.
