Ынтымақ күніне орай “Наурыз керуені” мерекелік шарасы өтті. Оған 500—ден астам талдықорғандық қатысты.
Атан түйеге мінген Абыз бастаған Наурыз-керуен көші шеру жасап, көшелерді ұзына бойлап жүрді.
Жастар саябағынан “Самұрық” этно ансамблінің әсем күйімен жолға шыққан көш орталық алаңға бет түзеді. Әсем ән-күйімен қолпаштап жүрген өнерпаздар көштің сән-салтанатын жарастырды.
Орталық алаңда керуенді М.Төлебаев атындағы оркестр күймен қарсы алып, мерекелік шеру концерттік бағдарламаға ұласты.
«Жетісу-Ақпарат»
