Көксу ауданы төтенше жағдайлар комиссия мүшелерінің және құзыретті мамандардың қатысуымен тасқынға қарсы іс-шаралардың алдын алу жұмыстары тұрақты жүргізілуде.
Жалпы ауданда 132,3 шақырым канал, 251,1 шақырым арық желілері және 254 бірлік су өткізу құбыры бар. Оның ішінде 23,34 шақырым дренаждық-нөсерлік жүйелер жұмыс істеуде.
Аудан аумағынан өтетін теміржолдардың жалпы ұзындығы 74 шақырымды құрайды. Көпірлер мен су өткізу құбырлары тазартылған. 75 тонна инертті материалдар мен 1 тонна цемент, 300 дана қап және бензин мен дизель отыны 200 литрден дайындалды.
Аймақта автомобиль жолдарының ұзындығы 490 шақырым. Оның 56 шақырымы республикалық маңызы бар жол болса, 204 шақырымы облыстық және қалған 230 шақырымы жергілікті. Аудан бойынша 35 көпір бар. Оның 11-і республикалық, 24-і жергілікті. 162 су өткізу құбырының бүгінгі жай-күйі тұрақты. Көпірлер мен су өткізу құбырлары толығымен тазартылған. Инженерлік және жол құрылыстық техникасын әзірлеуге, материалды-техникалық жабдықтарға қажетті арнайы қор құрылып, жұмысы жүйелі жүргізілуде.
Төтенше жағдайларды жою, халықтың тіршілігін қамтамасыз ету жөніндегі іс-шараларды жедел қаржыландыруға аудандық бюджеттен 20 миллион 800 мың теңге қаржы бөлінді. Аудан бойынша құрылған шұғыл әрекет ету жасағында барлығы 84 адам және 25 дана техника тіркелген. Су тасқыны қауіпті кезеңге дайындық бойынша 2000 дана қап, 100 дана күрек, 3 дана батпақты мотопомпа, 3 дана су мотопомпасы, 178 тонна инертті материал және 11 тонна жанар-жағармай дайындалды.
Аудандағы төтенше жағдай жұмысы тікелей жауапты мамандар назарында.
Еңлік БАУЫРЖАНҚЫЗЫ
Көксу ауданы
Фото: qazaqstan.tv
