Келесі аптадан бастап Қазақстанда онлайн-жарнамаға қатысты жаңа ережелер күшіне енеді.
Бұл туралы Мәдениет және ақпарат министрлігінің баспасөз қызметі хабарлады.
Былтыр 10 шілдеде Мемлекет басшысы «Онлайн-платформалар және онлайн-жарнама туралы» заңға қол қойды. Заң жобасы Қазақстанда қауіпсіз онлайн орта құруға бағытталған. Құжаттағы көрсетілген негізгі құқықтық тетіктердің бірі – желідегі жарнаманы таңбалау міндеттемесі.
Мәдениет және ақпарат министрі Аида Балаеваның айтуынша, жетекші елдер онлайн-жарнаманың маңызды рөлін және оны онлайн-платформаларда көрсету тетіктеріне ерекше назар аударады. Сонымен қатар, онлайн-жарнаманың ашықтығын арттыруға бағытталған талаптарды көздейді.
«Ережелердің бизнеске әсері оңтайлы бағаланды және толығымен Қазақстанның онлайн сегментінде кең таралуы қазіргі тәжірибе негізінде екенін атап өту қажет. Осы ережелерді қалыптастыру кезінде коммерциялық негізде орналастырылған контентті өз бетінше белгілейтін медиа-субъектілер тәжірибесіне сүйендік. Біз өз кезегімізде бұл үрдісті Қазақстан Республикасының бүкіл интернет кеңістігіне тарату жөн деп есептейміз. Ереже 2-наурыздан бастап күшіне енеді», — деді министр.
Одан өзге осы ережеге сәйкес инфлюенсерлер (блогерлер) коммерциялық немесе шарттық негізде орналастыратын онлайн-жарнаманы таңбалауға тиіс. Олар жарияланымның басында немесе соңында онлайн ортада белсенді қолданылатын төмендегідей тұжырымдардың бірін көрсету керек: «жарнама», «жарнамалық материал», «серіктестік материал», «демеушілік материал», «жарнама құқығында»,»демеушімен төленген», «PR құқығында».
Әлеуметтік жарнаманы (қайырымдылық және коммерциялық емес сипаттағы басқа да қоғамдық пайдалы мақсаттарға қолжеткізуге бағытталған) және жедел хабар алмасу қызметтерінде (мессенджерлер) орналастырылатын жарнаманы арнайы белгілеудің қажеті жоқ.
Ережелер осы жылдың 2-наурызынан бастап күшіне енеді.
Фото:depositphotos.com
