Жетісу облысы Текелі қаласында жеке тұрғын үй өртенді. Көршілері жедел жәрдем шақырып, өртті сөндіруге өздері кіріседі. Олар үйден 60 жастағы әйелді аман алып қалды, деп хабарлайды 7-su.kz желілік басылымы.
3 ақпан күні сағат 19:00-де Жетісу облысы ТЖД-на Текелі қаласындағы жеке тұрғын үйдің өртенгені туралы хабарлама келіп түседі. Өрт орнына дереу 2 бірлік техника мен 4 ТЖД қызметкері жетті.
Құтқарушылар келгенге дейін көршісі Михаил Сибирев өртті көріп, әкесі Сергей Сибиревті көмекке шақырған. Сергей құтқару қызметіне қоңырау шалып, көршілеріне көмекке жүгірді, тағы бір көршісі Ярослав Дергачев те көмекке келеді.
«Үйге жанып жатқан дәліз арқылы кіре алмай, көршілері терезені қаға бастады. Терезелердің бірінен Сергей шыға алмай жатқан 1964 жылы туған үй иесін көрген. Сергей терезені сындырып, әйелді өрттен аман алып қалды. Үй иесін құтқарған соң көршілері өртті қармен сөндіруге кіріскен», — деп хабарлады Жетісу облысы ТЖД.
Өрттің жалпы аумағы 10 шаршы метрді құрады. Өрт 19:25-те сөндірілді, зардап шеккендер жоқ.
«Жетісу облысының Төтенше жағдайлар департаменті 60 жастағы әйелді құтқарған азаматтарға алғысын білдіреді. Осыған байланысты Төтенше жағдайлар департаменті оларды ведомстволық наградалармен марапаттау туралы ұсыныс жіберді», — деп атап өтті Жетісу облысы ТЖД.
Фото: pixabay.com
