Жыл сайын көлік саны артып келеді. Уақыт өте келе қала ішіндегі жол қозғалысы қиындап, ке дергілер көбеюде. Әсіресе, Талдықорғандағы ор талық базардың маңындағы автотұрақтар саудаға келген жұртшылықты сандалтуда. Осыған орай біз жыл санап үдеп бара жатқан шарасыз жұртшылықтың шағымын тыңдап қайттық.
Жексенбі. Қара базардың іші сол баяғы ығы-жығы кептеліс. Көлік қоятын орын тұрмақ, аяғыңды әрең алып жүресің. Қыс мезгілі болған соң көктайғақ жолда жүк пен жүру тіптен қиын. Базарда дорба-дорба азық-түлік алып бара жатқан үлкен кісі лерді көргенде жүрегің ауырады. «Автотұрақтағы сау дагерлердің көліктерін неге алып тастамайды» деп ашынып бара жатқандар да бар. Тұрғындардың басым көпшілігі қара базарда көлік қоятын орын болмағандықтан «темір тұлпарды» сауда орны нан қашыққа қойып, амалсыз алған тауарын жаяу тасып жүрміз деп зар еңіреуде.
Тұрғындардың қайсысын тоқтатып сұрасаң да базар маңындағы аулаларда көліктердің жиі жиналып қалатынын, сол себепті көлік қоятын жер тұрмақ, жаяу жүруге де орын жетпей жатқанын айтып шағымданады.
– «Темір тұлпарымызды» амалсыз базардан екі үш көше төмен қалдырып, алған тауарымызды жаяу тасып жүрміз. Бізді қойшы, жалғызбасты аналар мен үлкен апаларға көктайғақта дорба асынып жүру өте қиын. Онымен қоса, қара базарда автотұрақтың өзіне көліктерін дұрыс қоймай кетіп қалатындар өте көп. Бір жолақты жолда кептелістер болып бір орында тұрып қаламыз. Егер ақылы автотұрақ болса базарда жұмыс істейтіндерге де тиімді болатын еді, – дейді қала тұрғыны Асқар Күренкеев.
Көлік жүретін орынға тауарларын қойып тастаған сатушылар да базарға келушілерге кедергі келтіруде. Көлік тұрақтары дұрыс болмағандықтан және көлік жүретін жолақта саудагерлер сауда жасағандықтан Гауһар ана, Біржан сал және Шевченко көшелеріндегі қиылыстарда кептеліс көп
.– Базардан сауда жасаймыз деп барып, сандалып қайтамыз. Себебі, көлік қоятын орын жоқ. Базардағы автотұрақ қашан барсаң да бос болмайды. Саудагер лерге көлік қоятын басқа автотұрақ салынса дұрыс болар еді. Осының салдарынан көліктерін адамдар жүретін тротуарлар мен мүлдем қоюға болмайтын жерлерге дейін қойып кететіндер бар, – дейді Серік Жүкенов.
Сонда автотұрақ жұмысын бақылап, көңіл бөліп отырған ешкім болмағаны ма? Қала басшылығы тұр ғындардың жүріп-тұруына үлкен кедергі болып тұрған мәселені жуық арада шешіп берсе жақсы болар еді. Әйтпесе, қақаған аязда дорба-дорба азық-түлік асынған апа-аталарымыз бен қыз-келіншектердің базар аралауы қиындап барады.
Назым ЖЕҢІСҚЫЗЫ,
ЖУ-дің студенті
Фото: yandex.ru
