22-25 қаңтар аралығында облыс аумағында республикалық «Автобус» профилактикалық іс-шарасы өтеді, деп хабарлайды 7-su.kz желілік басылымы.
Полицейлер жергілікті атқарушы органдар, көліктік бақылау инспекциясы, «ҚазАвтоЖол» ҰК АҚ және т.б қызметкерлерімен бірлесіп, жолаушы тасымалдайтын автобус жүргізушілері арасында көлік тәртібін арттыруға ат салысады.
Тәртіп сақшыларының назары техникалық ақауы бар немесе қайта жабдықталған жолаушылар көлігін пайдалану фактілерін анықтауға және заңсыз жолаушылар тасымалының жолын кесуге бағытталған.
Сондай-ақ, рейд барысында көліктік бақылау инспекциясы мен жол қозғалысы қауіпсіздігі инженерлерін тарта отырып, кәсіпорындардан (автопарктерден), автовокзалдардан, апатты тұрақ орындарынан және т.б. автобустар шыққан кезде рейс алдындағы техникалық және медициналық тексеруден өтуге бақылау ұйымдастырылады.
Фото: Жетісу облысы ПД
