Жетісу облысы бойынша сауда және тұтынушылардың құқықтарын қорғау департаментінің мамандары кәсіпкерлік және индустриялық-инновациялық даму басқармасымен бірлесіп, «Тоймарт» ЖШС-де әлеуметтік маңызы бар азық-түлік тауарларына, оның ішінде күнбағыс майына сауда үстемесі бойынша түсіндіру жұмыстарын жүргізді.
Департамент мамандары «Сауда қызметін реттеу туралы» ҚР Заңының 9-бабына сәйкес (2004 жылғы 12 сәуірдегі № 544-II) тауарлардың бағасын, өнім берушінің талабы бойынша азық-түлік тауарларын жеткізу шарты жасалатын, онда тараптардың келісімі бойынша шекті сауда үстемесінің мөлшері белгіленетін жағдайларды қоспағанда, ішкі сауда субъектілері дербес айқындайтынын түсіндірді.
Әлеуметтік маңызы бар азық-түлік тауарына сатып алу бағасының он бес пайызынан аспайтын шекті сауда үстемесінің мөлшерін белгілейді.
Ішкі сауда субъектісі бірнеше өндірушілерден немесе көтерме жеткізушілерден әлеуметтік маңызы бар азық-түлік тауары болған жағдайда, әлеуметтік маңызы бар азық-түлік тауарын жеткізу шартында көрсетілген неғұрлым төмен құны бар әлеуметтік маңызы бар азық-түлік тауарына өндірушінің сату бағасының немесе көтерме жеткізушінің сатып алу бағасының он бес пайызынан аспайтын шекті сауда үстемесінің мөлшерін белгілейді.
Жетісу облысы бойынша сауда және тұтынушылардың құқықтарын қорғау департаменті
