Талдықорған: +11°C
$ 448.72
€ 493.86
₽ 5.49
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

Атасы мен апасының баласы

15 қазан 2023
РУХАНИЯТ
Атасы мен апасының баласы
WhatsAppTelegramFacebook

Көбіне біз дәстүр бойынша тұла бойы тұңғышымызды ата-апасының баласы деп еркелетеміз. Өйткені, олар дүниеге келген бірінші немересіне бар мейірімін төгіп, бәрінен артық көріп өсіреді. Сөйтіп, ол ата-анасының ғана емес, үлкен кісілердің де тәрбиесін бойына сіңіріп, есейеді.     

 Қариялар балаға неше түрлі тәттілерін ұсынып, бар білгендерін үйретуге тырысады. Қанаттыға қақтырмай, тұмсықтыға шоқыттырмай көңіл бөледі. Әрине, мұндай ұрпақтың арасында зеректігі, білгірлігі, ақылдылығымен танылған тұлғалар да аз емес. Десек те мұны «баланы тым еркелетіп жіберді, шолжаң етіп өсірді» деп қолдамайтындар да, «ата-әженің қолында өскен бала әке-шешеге жат боп кетеді» деген пікірді алға тартатындар да кездеседі. 

Бұл тұрғысында психолог мамандар баланы ата-әжесінің тәрбиесіне беру дұрыс емес дегенді айтады. Олардың сөзінше, ата-әже, нағашы, бауыр, басқа да туысқандар әке-шешенің тәрбиелеу үдерісіндегі көмекші адамдар. Баланы ата-әжесінің, туысқандардың жанына уақытша жіберуге болады. Бірақ, мұның өзі ата-ананың қадағалауымен болуы тиіс. Өйткені оған тікелей жауапты да, ең жақын адам да – ол әкесі мен шешесі. Ата-әжесінің немересіне қаншалықты қамқор болғанына қарамастан, бұл сәбидің жан дүниесіне белгілі бір өзгерістер алып келеді. Яғни балаға әке-шешесінен ажырау өте ауыр тиеді. Қазақтың «әженің сары майы ананың қара шайына татымайды» деген мақалы осы жағдайды меңзесе керек. Осы туралы әркім әртүрлі ой айтады.

Есен Қойайдаров, жас әке: «Менің 3 балам бар. Бәрі өзіміздің тәрбиемізде. Оларды сенбі, жексенбі күндері ата-апасына апарып тұрамыз. Жеке басым баланы түбегейлі ата-әжесінің тәрбиесіне беруді құп санамаймын. Себебі, бала ес біліп, оңы мен солын танығанша әке-шешесінің қасында тәрбиеленуі керек дегенді жөн санаймын. Жалпы, тәрбиені отбасының барлық мүшесі берген дұрыс. Ананың аялы алақанын сезініп, әженің ертегісін тыңдап, әкенің қатал тәрбиесін көріп, атаның ғибратты әңгімелерін бойына сіңіріп есейген баланың жаман болмасы анық. Өйткені, олардың әрқайсысының өз орны, айтары бар емес пе,– дейді. 

– Есейіп кетсем де өзімді әлі күнге апамның қызымын деп санаймын. Ол кісі қазір бұл өмірде жоқ. Сондай қатты сағынамын. Ес білгелі әжемнің қолында өсіп, тәрбиесін көрдім. Тыққан тәттілерін үнемі маған беріп, еркелететін. Бүгінге дейін әке-шешем шал мен кемпірдің баласы деп бетімнен қаққан емес. Әжемнің қолында өссем де, ата-анама деген құрметім ерекше. Ал анам жақын құрбым сияқты, өзімнің ішкі сырларыммен бөлісемін. Үлкен ұлым ата-әжесінің қолында. Балам тәрбиелі, кішіпейіл, бауырмал болып ержетіп келеді. Сонда да оның тәрбиесі әкесі екеуміздің қадағалауымызда, – дейді әжесінің еркесі, бүгінде екі баланың анасы Гүлім Сарбасқызы.  

Қалай десек те  баланың тәрбиесіне негізінен ата-анасы жауапты. Сондықтан, ұл-қыздың дұрыс өсіп-жетілуіне, білім алуына, саналы азамат болып ержетуіне ерекше мән беріп, бақылауда ұстаған жөн. 

Айгүл БАЙБОСЫНОВА
Фото: көрнекілікке алынды

 

Қатысты жаңалықтар

Ақсу аудандық мәслихатының депутаттығына кандидат Амангелді Ерасыл Әділұлы

Ақсу аудандық мәслихатының депутаттығына кандидат Амангелді Ерасыл Әділұлы

Бүгін, 16:11
Ақсу аудандық мәслихатының депутаттығына кандидат Баймұханов Бауыржан Уразамбайұлы

Ақсу аудандық мәслихатының депутаттығына кандидат Баймұханов Бауыржан Уразамбайұлы

Бүгін, 16:02
Ақсу аудандық мәслихатының депутаттығына кандидат

Ақсу аудандық мәслихатының депутаттығына кандидат

Бүгін, 15:57
Ақсу аудандық мәслихатының депутаттығына  кандидат

Ақсу аудандық мәслихатының депутаттығына кандидат

Бүгін, 15:51
Жас мергендер жүлделі оралды

Жас мергендер жүлделі оралды

Бүгін, 14:00

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.