Магистратураға білім грантын тағайындау жөніндегі республикалық комиссияның жұмысы аяқталды. Мемлекеттік білім гранты иегерлерінің тізімі жарияланды, деп хабарлайды ҚазАқпарат.
Мемлекеттік гранттар республикалық комиссия отырысының қорытындысы бойынша тағайындалды.
Комиссия құрамында Қазақстан Республикасы Парламентінің депутаттары, министрліктің, мүдделі мемлекеттік органдардың, бiлiм саласы кәсiподақтарының, ҚР Ұлттық кәсiпкерлер палатасы және қоғамдық ұйым өкілдері болды.
Білім гранттарын тағайындау конкурсына қатысу үшін барлығы 14 612 адам қатысты. Оның 8 359-ы грант иегері атанды.
Грант тізімімен мына сілтемеде таныса аласыз.
Ал жоғары оқу орындарына қабылдау 28 тамызға дейін жалғасады.
Фото: көрнекілікке алынды
