Талдықорғандағы Тіл сарайында Жетісу облыстық мәслихатының кезектен тыс ІХ сессиясы өтті. Жиында тамыздың басында қабылданған 2022-2024 жылдарға арналған облыс бюджетіне өзгерістер мен толықтырулар енгізілді және нақты бюджет көлемі айтылды.
– Бөлу балансына сәйкес облыс бюджетінің жалпы сомасы – 370 млрд.теңге. Оның ішінде, меншікті кіріс 60,8 млрд.теңге, республикалық бюджеттен берілетін нысаналы трансферттер мен кредиттер – 108,4 млрд. теңге. Ал Алматы облысының бюджетінен аударылатын трансферттер – 180,4 млрд.теңге. Жетісу облысы шығыстарының 63,7 млрд.теңге сомасында жекелеген бағыттарын Алматы облысының бюджетінен қаржыландыру туралы шешім қабылданды. Оның ішінде жергілікті бюджет бойынша – 40,8 млрд.теңге және республикалық бюджеттен берілетін нысаналы трансферттер бойынша – 22,9 млрд.теңге, – деп облыстық экономика және бюджеттік жоспарлау басқармасынң басышысы Жомарт Әмірханов айтып берді.
Жалпы сипаттағы мемлекеттік қызметтер 4 598 млн.теңге, қорғаныс – 485,5 млн. теңге, «қоғамдық тәртіп және қауіпсіздік» – 6 113 млн.теңге, білім беру – 139,1 млрд. теңге, денсаулық сақтау – 7,0 млрд. теңге, әлеуметтік көмек және әлеуметтік қамсыздандыру – 22,8 млрд.теңге, тұрғын үй-коммуналдық шаруашылық – 1,5 млрд. теңге, мәдениет, спорт, туризм және ақпараттық кеңістік – 4,2 млрд.теңге, отын-энергетика кешені және жер қойнауын пайдалану – 4,1 млрд.теңге және ауыл орман, су шаруашылығы мен жер қатынастары – 2,6 млрд. теңге, өнеркәсіп, сәулет, қала құрылысы және құрылыс қызметі бойынша – 91,2 млн.теңге бөлінсе басқа да жобалар үшін – 6,2 млрд.теңге қарастырылған.
Жиында облыс бюджетіне енгізілген өзгертулер мен толықтырулар нақты сандармен көрсетілді.
Қали АСҚАР
Жетісу облысы
