Жаркент қаласындағы №6 мектеп-интернат өңірдегі байырғы білім ошақтарының бірі. Өткен ғасырдың орта шенінен бері аудандағы малшылардың, орталықтан шалғай орналасқан мектебі жоқ кәсіпорындарда еңбек ететін отбасылардың балаларына пана болып, қазақ және орыс тілдерінде білім нұрымен сусын- датып келеді.
Жақында осы білім ошағына ата-аналар, ұстаздар жиналып, саналы ғұмырын туған халқының теңдігі мен тәуелсіздігіне арнаған Алаш арысы Тұрар Рысқұловтың есімімен атау жөнінде ұсыныс білдірді. Жиынды мектеп-интернат директоры Самат Ағымов кіріспе сөз сөйлеп ашып, келгендерге басқосудың мәнін түсіндірді. Мектептің тарих пәнінің мұғалімдері Анар Жұмәділова мен Мұхтар Жұмағұлов Тұрар Рысқұловтың өмірі мен қызмет жолына қазақ және орыс тілдерінде шолу жасап өтті. Жиынға келгендер ұсынысты бірауыздан қолдап, Шырын Валиева, Мырза Манапұлы сияқты ата-аналар пікірлерін білдірді. Мектеп ұстаздары мен ата-аналары Алаш арысының есімін жазиралы Жаркент өңіріндегі мектепке беру туралы ұсынысты маслихат депутаттары, онамастикалық комиссия қоштаса деген тілекте.
Мырзағали НҰРСЕЙІТ,
Жаркент қаласы
