Талғар ауданы полициясының әкімшілік ғимараты кабинеттерінің бірінде өрт болды.
Өрт шалған ғимарат туралы бейнежазба әлеуметтік желіде тарады. Алматы облысының полиция департаменті өрттің шамамен сағат 14:55-те тұтанғанын хабарлады. «Жергілікті өрт сөндіру қызметі дереу оқиға орнына жетіп, өртті 25 минут ішінде сөндірді. Құрбандар мен зардап шеккендер жоқ. Өрттің әрі қарай таралуына жол берілген жоқ. Қызметтік құжаттар бүлінбеді», — деді полиция департаментінің баспасөз қызметінен.
«ЖЕТІСУ-АҚПАРАТ»
