І.Жансүгіров атындағы Жетісу университеті сыртқы академиялық ұтқырлық бойынша бірқатар шетелдік оқу орындарымен бірлесе жұмыс істейді.
Университет үшін шетелдік оқу орындарының оқытушыларын шақырып тәжірибе алмасудың маңызы зор. 2021-22 оқу жылының басында білім ордасына Польшаның Войцеха Корфант атындағы Жоғары Силезия экономикалық университетінің профессоры, экономика ғылымдарының докторы Стефан Дырка келіп, құқық және экономика факультетінде «Адам ресурстарын басқару процестері» тақырыбында семинар өткізді. Семинардың басты мақсаты — жаһандану жағдайында персоналды басқару тәжірибесін зерттеу.
Қарашаның 15-16 күні Түркиядан келген профессор университеттің профессорлық-оқытушы құрамы мен докторанттар, магистранттар үшін «Scopus және Web of Scince перспективалары» тақырыбында семинар жүргізеді.
Айта кетейік, «Жаңартылған білім мазмұнына бейімделген болашақ бастауыш сынып мұғалімдерінің кәсіби құзыреттіліктерін қалыптастыру» гранттық жоба аясында Хусейн Узунбойлумен коллаборация бойынша келісімшарт жасалған.
«ЖЕТІСУ-АҚПАРАТ»
