Мемлекет басшысы Қасым-Жомарт Тоқаев кезекті Жолдауында: «Медицина саласына қомақты қаржы кұю керек. Бұл қаражат инфрақұрылымға, маман даярлауға және халықты дәрі-дәрмекпен қамтамасыз етуге жұмсалуға тиіс», – деп атап көрсетті. Кеген аудандық денсаулық сақтау саласында да уақыт талабына сай жұмыс жүргізіліп келеді.
Ауданда өткен 9 ай ішінде 386 сәби дүниеге келді. Биылғы жылға еш өкпеміз жоқ. Бір жылдың ішінде аудандық орталық аурухананың 3 қабатты ғимаратын, Жалаңаш ауылдық ауруханасының 2 қабатты ғимаратын және Алғабас ауылдық дәрігерлік амбулаториясының ғимаратын күрделі жөндеуден өткізу жұмысы қолға алынды. Қарқара ауылында дәрігерлік амбулатория салынуда. Алдағы уақытта аталған денсаулық сақтау орындарының дәрігерлері, орта буын медицина қызметкерлері заманға лайықты жаңғыртылған, қажетті құрал-жабдықтармен қамтылған, жылы да жайлы орында жұмыс істейтін болады. Бұл ауруханада жатып емделетін сырқатты жандар үшін де тиімді болмақ. Таулы өлкедегі дәрігерлік шаңырақтар үшін қолайлы жағдай жасап отырған облыстық әкімдікке, облыстық денсаулық сақтау басқармасына, ауданымыздың әкімдігіне айтар алғысымыз шексіз.
Алмас Тілеулиев,
Кеген аудандық орталық ауруханасының
бас дәрігері, аудандық мәслихаттың депутаты
