Алматы облысында бір күнде 158 адам індет жұқтырғаны белгілі болды. Облыс қайтадан «қызыл аймаққа» кірді. Бұл туралы «Жетісу» газеті хабарлады.
Соның ішінде, Панфилов ауданында – 27, Талдықорған қаласында – 20, Еңбекшіқазақ ауданында – 15, Алакөл ауданында – 14, Қарасай ауданында – 13, Қаратал ауданында – 11, Талғар ауданында – 10, Ескелді ауданында – 9, Ұйғыр ауданында – 8, Текелі қаласында – 7, Жамбыл және Көксу аудандарында – 5 жағдайдан, Іле, Сарқан аудандары мен Қапшағай қаласында 3 жағдайдан, Балқаш және Кеген аудандарында 2 жағдайдан, Кербұлақ ауданында 1 жағдай тіркелді. Сондай-ақ, өткен тәулікте 92 адам емделіп шықты.
Өңірде 1095 адам стационарлық ем қабылдауда. Бір тәулікте ауруханаға 110 адам түсті. Ауруханадағы төсек-орындар саны — 2365. Төсек-орын жүктемесі – 46,6 пайыз.
Соңғы 3 күнде 8039 адамның сынамалары ПЦР зертханаларда тексерілді.
Алматы облысы бойынша коронавирусқа қарсы вакцинаның 1-ші компонентін алғандар саны – 791 425. Екпенің 2-ші компонентін алғандар саны – 713 182.
«ЖЕТІСУ-АҚПАРАТ»
