Алматы қаласынан 167 шақырым қашықтықта жер сілкінісі тіркелді. Бұл туралы «Жетісу» газеті мәлімдеді.
ҚР Білім және ғылым министрлігі Ғылым комитетіне қарасты сейсмикалық стансы желісі жер дүмпуін кешкі сағат 21:17-де анықтады. Жер сілкінісі Кербұлақ ауданы аумағында, Басши ауылынан 25 шақырым қашықтықта (Алтынемел асуы және ұлттық саябақ аумағы) байқалды. Тереңдігі — 20 шақырым. Балдық көрсеткіші сезілмеген. Алматы облыстық ТЖД өкілдерінің мәлімдеуінше, құрбан болғандар мен қираған ғимараттар жоқ.
Осыған байланысты Алматы облысының төтенше жағдайлар департаменті тұрғындарды сақтық шараларын ұстануға шақырады. Еске сала кетейік, осыдан бір ай бұрын шамасында Көксу ауданында да жер сілкінісінің ошағы тіркелген еді.
«ЖЕТІСУ-АҚПАРАТ»
