Оқушылар сарайында Қазақстан Республикасы Тәуелсіздігінің 30 жылдығына орай облыстық орыс орталығының ұйымдастыруымен «Жетісу шұғыласы» атты фестиваль өтті.
Славян жазба тілі мен мәдениеті күндеріне арналған игілікті шарада «Брест қамалының қызыл тастары» атты қойылым қойылды. Сондай-ақ, патриоттық және соғыс жылдарындағы әндер айтылып, көрермендердің көңілін көтеріп, сергітіп алды.
Менің ойымша, фестиваль жоғары деңгейде өтті. Осындай іс-шаралар қашанда өз жалғасын табады деп ойлаймын. Егеменді еліміздің арқасында қаншама ұлт өз жерін, өзінің Отанын тапты. Біз әрбір жасалып жатқан игі істерді қолдауға дайынбыз, – деді «Қоғамдық келісім» мекемесі директорының орынбасары Рүстем Жарқынбайұлы.
Фестиваль соңында белсенділер марапатталып, түрлі сыйлықтар табыс етілді. Айта кетейік, шара бас дәрігердің бұйрығына сәйкес санитарлық нормаларға сай өтті.
Арайлым НҰРЖАПАР,
І. Жансүгіров атындағы ЖУ-дың студенті
