Жыл сайын көктем айы қуанышты жаңалықпен бастау алады. Қазақстан Республикасы Мәдениет және спорт министрлігі мен Нұрсұлтан Назарбаев қорының қолдауымен 2016 жылдан бері өткізіліп келе жатқан Әлия Назарбаева қорының «Жандану әлемі» авторлық жобасы – Ұлттық «Бала дауысы» балалар ән байқауының кезекті маусымы өз шымылдығын түруде.
Ұйымдастырушылар 8 жастан 12 жасқа дейінгі балаларды еліміздің музыкалық жобасына қатысуға шақырады. 26 наурыз бен 15 мамыр аралығында қашықтық форматта іріктеу туры өткізіледі. Бұл – талантты балаларға өздерін танытуға және өз өнерін көрсетуге тамаша мүмкіндік. Өтінімдер www.baladauysy.kz сайтында қабылданады.
«Бала дауысы» – бұл әлеуметтік жоба болғандықтан балалардың қатысуы тегін. Жобаның мақсаты – дарынды балаларды анықтау, қолдау және шығармашылық әлеуетін арттыру.
Байқау аясында балалар әндерінің жинағы жасалады, оның авторлары 17 аймақтың балалар композиторлары болып танылады. Осы жылдың қазан айында жинақ мектептерге тегін беріледі және конкурстың ресми сайтында қол жетімді болады.
Конкурстың ауқымы жылдан-жылға кеңейіп, оған қатысуға өтінім берушілер саны артуда. Жобаға қатысушы вокалистер үлкен сахнаға шығу үшін жан-жақты даярлықтан өтеді. Демек, дауыс қою, музыкалық шығармаларды дұрыс орындау, актерлік қабілетті, вокалдық шеберліктің дамыту бойынша жұмыс жасалады. Осы жинақтаған тәжірибесі мен өнерін жас қатысушылар конкурстың финалында көрсетеді.
Алдыңғы маусымдарға қатысушылар да кәсіби сахнадағы алғашқы қадамдарын жасауда. Атап айтар болсақ, 2016 жылғы конкурс финалисі Садраддин Болат бүгінде миллиондаған жанкүйерлері бар танымал орындаушылардың музыкалық рейтингін басқарады. Ал Мария Затварницкая Мәскеу қаласындағы Г.Вишневская атындағы музыкалық колледжінде білім алуда.
Жобаның соңғы концерттік бағдарламалары орасан зор шоуға айналып келеді. Биыл байқаудың қорытындысы қазан айында Нұр-Сұлтан қаласында шығарылатын болады. Финалдың көрермендері мен қонақтарын екі концерттік бағдарлама күтеді, онда балалар музыкалық бэндтің сүйемелдеуімен қазақстандық және шетелдік эстраданың танымал композицияларын орындайды.
«ЖЕТІСУ-АҚПАРАТ»
