Алматы маңындағы тауларда орналасқан бейнекамераларға қар барысының ұрғашысы (таутан) мен аландары түсіп қалды. Бұл туралы Ержан Еркінбаевтың «Instagram» парақшасында ақпарат жарияланды.
Кадрларда лақап аты «Дана» деп аталатын қар барысы аландарымен жүргені көрінеді. Олар ағашқа сүйкенеді, ағаш қабығын иіскелейді, тастың маңын айналшықтайды. Құйрықтарын бұлғаңдатады. Сосын ары қарай жөнімен кетеді. Екі аланымен жүрген «Дана» 2019 жылдың көктемінен бері бірнеше рет фотокамераға түсіп қалған.
«Kazakh Tourism» ҰК АҚ басшысы Ержан Еркінбаевтың айтуынша, жабайы мысықтардың сыртқы өңі жақсы, терісі қалың, етті. Олардың жағдайын терісі мен салмағына қарап байқауға болады.
— Камераларымызға түскен кезекті видео! «Дана» өзінен үлкен болып кетсе де, балаларын әлі де асырап жүр! Өздері тамақ табатын уақыты келді!»- деп жазды Ержан Еркінбаев желідегі парақшасына.
«ЖЕТІСУ-АҚПАРАТ»
Сурет — ғаламтордан
