Тұрмыстағы өртті қалай алдын алуға болады? Ол үшін өрт қауіпсіздігінің қарапайым ережелерін әрдайым есте ұстаған жөн. Электр энергиясын пайдалану кезінде үтік, плитка, шәйнек, басқа да электр құралдарын тек жарамды болған жағдайда ғана электр желісіне қосу керек.
Қосылған электр аспаптарын жанғыш заттар мен ағаштан жасалған бұйымдардың қасына жақын қоймаңыз. Электр шамдарының қағаз бен матаға тимеуін қадағалаңыз. Үйден шыққанда электр жарығын міндетті түрде өшіру керек.
Барлық электр құралдарын, соның ішінде, теледидар, компьютер, басқа да тұрмыстық құралдарды (тоңазытқыштан басқа) розеткадан ажыратыңыз. Қолдан жасалған сақтандырғыштар мен ұзартқыштарды, уақытша электр сымдары мен розеткаларды пайдаланбау керек. Электр желісіне бірнеше қуатты электр энергиясын (электр плитасы, электрокамині, шәйнек, басқа) заттарды бірмезгілде қосуға болмайды.
Электр сымына су тигізу, оларды жиектермен желімдеу, шегелерге ілу, тарту, түйіндерге байлау, тозған жалғағыш бауларды, ұзартқыштарды қолдану қауіпті. Ақаулы ажыратқыштарды, розеткаларды, ашаларды, жалаңаш сымдарды пайдалануға, сондай-ақ сымдарды бұрау арқылы қосуға болмайды. Электр желісін шамадан тыс жүктемеден және қысқа тұйықталудан тек зауытта жасалған сақтандырғыштар қорғайды. Барлық тұрмыстық электр аспаптарының жарамдылығын қадағалау керек. Электр сымдарын монтаждау және оны жөндеу тек мамандарға ғана жүктеледі. Бензинді, ацетонды, керосинді, еріткішті қолданған кезде темекіні немесе сіріңкені тұтатуға болмайды.
Тұрмыстық химияның көптеген заты (мастика, нитрокраскалар, лактар, желімдер және басқалар), әсіресе аэрозольды қаптама жоғары өрт қаупін тудырады. Ашық отта өрт қаупі бар мастикаларды (БМ, гамма, скипидар, силиконда айналы, тағы басқаларын) жылытпаңыз. Пәтерлердегі өрттердің басым бөлігі темекі шегу кезінде абайсызда орын алады.
Төсекте темекі шегу, әсіресе, мас күйінде жүрген адамдар аса қауіпті. Газ плитасы жанған немесе электр құралдары қосылған кезде балаларды үйде жалғыз қалдырмаңыз. Сіріңкені балалардың қолы жетпейтін жерлерде сақтаған дұрыс. Балалардың сіріңкемен ойнауы – өрттің жиі орын алуына себеп болады.
Өрт немесе түтін пайда болған жағдайда, облыстық ТЖД-не «101» және «112» телефондары арқылы нақты мекенжайын көрсете отырып, дереу хабарлау керек.
Алматы облыстық ТЖД баспасөз қызметі
Сурет ғаламтордан алынды
