26 сәуір күні, сағат 16:00-дер шамасында Талдықорғанда өрт шықты. Өртті ауыздықтауға бірнеше техника жұмылдырылды. Өкінішке қарай, пәтерде шыққан өрттің салдарынан бір ер адам көз жұмды.
Оқиға Талдықорғандағы 3-шағынаудандағы көпқабатты пәтерлердің бірінде болған. «Оқиғаны растаймыз. 1949 жылғы ер адам көз жұмды. Қазір оқиғаның мән-жайы анықталуда», — деді Алматы облыстық төтенше жағдай департаменті баспасөз қызметінің өкілі. Көпқабатты тұрғын үйден 40 адам көшірілді. Екі бөлмелі пәтерден шыққан өрт жарты сағаттың ішінде өшірілді.
«ЖЕТІСУ-АҚПАРАТ»
