Астанадағы «Зодиак» және «Азия» бильярд клубында бильярд спорты түрінен «Еуразияның Үлкен Кубогы» атты ардагерлер арасындағы халықаралық турнир өтті. Жарысқа 19 команда, 140 спортшы қатысты.
Атап айтсақ, Ресейдің «Омск», Елорданың «Астана қырандары», Өскеменнен «Асау Ертіс», Шымкент қаласынан «13 аймақ», Алма-тының «НАП» және «Бірлік», Атыраудан «Батыс», Семей қаласының құрамасы, Ақмола облысынан «Көкшетау арландары» командасы, Қарағанды, СҚО және облысымыздың намысын қорғаған «Жетісу» командасы бақ сынасты. Аталмыш турнирдің «Ұлы Дала қырандары» республикалық қоғамдық әлеуметтік, мәдени және спорттық қозғалысы, ҚР Мәдениет және спорт министрлігінің Спорт және дене шынықтыру істері комитеті, «Астана қыран-дары» командасы, Астана қаласының дене шынықтыру және спорт басқармасы мұрындық болуымен өткенін де айта кеткеніміз жөн.
Шарада ҚР Мәдениет және спорт министр-лігінің Спорт және дене шынықтыру істері жөніндегі комитеті төрағасының бірінші орынбасары Бекболат Байжанов сөз алып, жарыстың мақсатын айтып, жарысты ашық деп жариялады. Өз кезегінде сөз алған жарыстың ұйымдастырушысы әрі инциаторы, Қазақстан Республикасының еңбек сіңірген қайраткері Сәдібек Түгел, турнирдің бас төрешісі Ерболат Жұмағұлов және аталмыш доданы ұйымдастыру комитетінің төрағасы Қайрат Мирашев тастаяқ шеберлеріне сәттілік тіледі.
Үш күнге созылған дода тартысты өтті. Тастаяқ ойынының шеберлері барын салып өнер көрсетіп, бильярд бәсекесінің озық үлгісін көрсетті. Бұл сында облысымыздың намысын 50-63 жас аралығында Болат Ахшанов, Талғат Мизамбеков, Марат Карбаев, Павел Цой, Самат Оразбаев, Қайрат Калкенов қорғады. Ал, 63 жастан жоғары спортшылар арасында «Жетісу» командасының атынан Ахметсапа Шалкибаев, Дүйсен Тұрысбеков, Сейілхан Беков, Сергей Князев, Бақыт Туганбаев, Табыс Жобалаев, Тоқтар Есимов, Несіп Жүнісбаев ойнады.
Турнирдің қорытындысы бойынша 50-63 жас аралығында жалпыкомандалық есепті I орынды «Астана қырандары» командасы жеңіп алса, II орынды ШҚО «Асау Ертіс» командасы қанжығасына байлады. III орынды Шымкент қаласының «13 аймақ» командасы иеленді.
63 жастан жоғары спортшылар арасында Шымкент қаласының «13 аймақ» командасы топ жарды. II орынды облысымыздың намы-сын қорғаған «Жетісу» командасы иемденді. III орын Алматы қаласының «Бірлік» коман-дасына бұйырды.
50-63 жас аралығындағы жекелей сында 1-орынды Марат Карбаев (Алматы облысы) олжаласа, Сайлаубек Мусинов (ШҚО) тұғырдың екінші сатысынан көтерілді. Ал Қайрат Жақанов (Алматы қаласы) үздік үштіктің қатарынан көрінді. 63 жастан жоғары санатта 1-орынды Еркін Тлеуғабылов (Шымкент қаласы), 2-орынды Ли Анатолий (Қарағанды қаласы), 3-орынды Николай Рыжих (ШҚО) жеңіп алды. Сонымен қатар «Ең үздік тех-никалық ойыншы» аталымын Тоқтамыс Жұмағұлов («Батыс» командасы), «Ақсақал ойыншы» аталымын Пак Георгий («13 аймақ» командасы), Марат Доскожин («Астана қырандары» командасы) ойыншысы иеленсе, «Жеңіске деген құштарлық» аталымын Орман Қамзабаев («Астана қырандары» командасы ойыншысы), Илья Ильин және Ерғанат Қайыпов, «Көкшетау арландары» командасының ойыншысы Қайрат Кәкімов иеленді. Жарыс соңында жеңімпаздар мен жүлдегерлерге кубок, медальдар мен дипломдар табысталды.
Айдар ҚАЛИЕВ
