Алматы қаласындағы Жамбыл атындағы мемлекеттік жасөспірімдер кітапханасында «Бір бейне» атты жыр кеші өтті. өлеңсүйер, әнсүйер қауым ақын, сазгер Жангелді Немеребаевпен кездесті. Әсем саз бен жақсы жырды шалқытқан Жангелдіге бәрі табыс тіледі.
Кештегі ең басты жаңалық – автордың аудио нұсқадағы жинағының тұсаукесері. Оған жаңа әндері мен жырлары жинақталған. Аталған рәсімге белгілі қаламгерлер Байғали Есеналиев пен Дәурен Қуат қатысып, сәт-сапар тіледі. Жыр кешін ақын Қалмаханбет Мұхаметқали жүргізіп отырды.
Жиналған жұрт Жангелді Не-меребаевтың өлеңдеріне құлақ түрді. Аталған жинақта өрнекті шумақтар, ойлы тіркестер аз емес екен.
Жүрекке жыр, кеудеме толтырып ән,
Поэзия, өзің деп толқыды жан, –
деген ақын толғаныстары әсерлі шықты. Сонымен қатар:
Кей-кейде ақындықпен еркіндедім,
(Сонда да уәдемнің сертінде едім.)
Бір адамға жақсылық жасау үшін,
Мың адамға қиянат келтірмедім, – деген секілді сәтті шумақтар бір-біріне жалғасып жатты.
Айдынды Алакөлдің толқындарымен тербеліп өскен Жангелдінің бойына өлеңге деген әуестік ерте дарыған. Жетісудың арда ақыны Әбен Дәуренбектің оны арнайы іздеп барғаны сондықтан. Сол кезде Әбен ағамыз: «Енді сен жай Жангелді емессің, өлеңіне өнері, өнеріне өмірі жарасқан Жан Серісің», – деп баға беріпті. Сол ақ бата жас жігітті одан сайын қанаттандырды. Ол ән мен жырды серік етіп алға ұмтылды. Әбен ағасының үмітін ақтау үшін тынбай ізденді. Нәтижесі жаман болған жоқ.
Қалам мен домбыраны қатар ұстаған талапты жас кезінде үшарал қаласындағы ансамбльді басқарды. Одан кейін облыс орталығындағы «Талдықорған әуендері» фольклорлық-этнографиялық ансамблінің негізін қаласты. Қазір Сүйінбай атындағы облыстық филармониясының музыкалық көркемдеушісі.
2010 жылы «Ақ қайнар сезім» атты жыр кітабы жарық көрді. Республикалық патриоттық әндер байқауында «Ауғаннан хат» әні жүлделі екінші орынды иеленді. Жыр жарыстарында жеңімпаз атанып жүрген жайлары тағы бар. «Ауылым» мен «Арман қызы» секілді әндері елді әсем сазымен баурап, халық арасында кеңінен тарады. Ақын бүгінгі күнге олжасыз келіп отырған жоқ.
Кездесу кеші ойдағыдай өтті. Мәдени шараны кітапхана ұжымы лайықты етіп ұйымдастыра алған. Ең бастысы, оқылған өлеңдер, айтылған әндер көрерменнің көңілінен шықты. Ақын үшін көпшіліктің ыстық ықыласынан артық қандай сыйлық бар?! Ақынның әріптестері Ерлан Жүніс, Қанат Тілеухандар да жүрекжарды лебіздерін білдіріп, ойға ой қосты, жыр бөлісті.
Бойда лаулап от әлем,
Бір ғажайып күй кештім.
Сегізінші нотамен,
Сырлы әуендей үйлестік, – дейді Жангелді. Сөзіміздің түйіні осы бір әдемі тіркеске молынан сыйып тұрған тәрізді.
Алматы.Кештегі ең басты жаңалық – автордың аудио нұсқадағы жинағының тұсаукесері. Оған жаңа әндері мен жырлары жинақталған. Аталған рәсімге белгілі қаламгерлер Байғали Есеналиев пен Дәурен Қуат қатысып, сәт-сапар тіледі. Жыр кешін ақын Қалмаханбет Мұхаметқали жүргізіп отырды.
Жиналған жұрт Жангелді Не-меребаевтың өлеңдеріне құлақ түрді. Аталған жинақта өрнекті шумақтар, ойлы тіркестер аз емес екен.
Жүрекке жыр, кеудеме толтырып ән,
Поэзия, өзің деп толқыды жан, –
деген ақын толғаныстары әсерлі шықты. Сонымен қатар:
Кей-кейде ақындықпен еркіндедім,
(Сонда да уәдемнің сертінде едім.)
Бір адамға жақсылық жасау үшін,
Мың адамға қиянат келтірмедім, – деген секілді сәтті шумақтар бір-біріне жалғасып жатты.
Айдынды Алакөлдің толқындарымен тербеліп өскен Жангелдінің бойына өлеңге деген әуестік ерте дарыған. Жетісудың арда ақыны Әбен Дәуренбектің оны арнайы іздеп барғаны сондықтан. Сол кезде Әбен ағамыз: «Енді сен жай Жангелді емессің, өлеңіне өнері, өнеріне өмірі жарасқан Жан Серісің», – деп баға беріпті. Сол ақ бата жас жігітті одан сайын қанаттандырды. Ол ән мен жырды серік етіп алға ұмтылды. Әбен ағасының үмітін ақтау үшін тынбай ізденді. Нәтижесі жаман болған жоқ.
Қалам мен домбыраны қатар ұстаған талапты жас кезінде үшарал қаласындағы ансамбльді басқарды. Одан кейін облыс орталығындағы «Талдықорған әуендері» фольклорлық-этнографиялық ансамблінің негізін қаласты. Қазір Сүйінбай атындағы облыстық филармониясының музыкалық көркемдеушісі.
2010 жылы «Ақ қайнар сезім» атты жыр кітабы жарық көрді. Республикалық патриоттық әндер байқауында «Ауғаннан хат» әні жүлделі екінші орынды иеленді. Жыр жарыстарында жеңімпаз атанып жүрген жайлары тағы бар. «Ауылым» мен «Арман қызы» секілді әндері елді әсем сазымен баурап, халық арасында кеңінен тарады. Ақын бүгінгі күнге олжасыз келіп отырған жоқ.
Кездесу кеші ойдағыдай өтті. Мәдени шараны кітапхана ұжымы лайықты етіп ұйымдастыра алған. Ең бастысы, оқылған өлеңдер, айтылған әндер көрерменнің көңілінен шықты. Ақын үшін көпшіліктің ыстық ықыласынан артық қандай сыйлық бар?! Ақынның әріптестері Ерлан Жүніс, Қанат Тілеухандар да жүрекжарды лебіздерін білдіріп, ойға ой қосты, жыр бөлісті.
Бойда лаулап от әлем,
Бір ғажайып күй кештім.
Сегізінші нотамен,
Сырлы әуендей үйлестік, – дейді Жангелді. Сөзіміздің түйіні осы бір әдемі тіркеске молынан сыйып тұрған тәрізді.
Болат МӘЖИТ.
