Қазақстанның шетелдегі мекемелері арқылы жеке сәйкестендіру нөмірін (ЖСН) алу мүмкіндігін қарастыратын пилоттық жоба 2025 жылғы 18 сәуірден бастап қайта іске қосылады.
Жаңа бекітілген алгоритмге сәйкес, ЖСН рәсімдеуге мынадай санаттағы шетел азаматтары өтініш бере алады:
-
Қазақстанға инвестиция салуға ниетті тұлғалар;
-
Тауарларды таңбалау және қадағалау жүйесіне қатысушылар;
-
Қазақстан азаматымен некеде тұрған шетел азаматтары (некені АХАЖ жүйесіне тіркеу үшін);
-
Бір ата-анасы Қазақстан азаматы болып табылатын, 16 жасқа дейінгі шетел азаматтарының балалары;
-
Қазақстанда мұрагерлік рәсімдейтін шетел азаматтары;
-
Digital Nomad Residency және Digital Nomad Visa бағдарламаларына қатысуға мүдделі азаматтар;
-
Мүгедектігі бар шетел азаматтары;
-
65 жастан асқан шетел азаматтары;
-
Өсімдіктерді қорғау құралдарын (пестицидтер) өндірушілер мен тіркеушілер;
-
Қазақстанда тіркелген заңды тұлғалар, филиалдар немесе өкілдіктердің басшылары болып табылатын шетел азаматтары.
Бұл шара шетел азаматтарының Қазақстандағы құқықтық қатынастарға қатысуын жеңілдетіп, инвестициялық және цифрлық ортада белсенділігін арттыруды көздейді.
«Жетісу-Ақпарат»
Фото: gov.kz
