1 Маусым — Халықаралық балаларды қорғау күніне орай 5571 әскери бөлімінің әскери қызметшілерінің балаларына арналған мерекелік іс-шара «Динамо» спорт кешенінде өтті.
Салтанатты шеруге Ұлттық ұлан, «Жас бүркіт» клубы мен сыныбы, «Жас сарбаз», ҚАЖД, ТЖД, ПД, Құтқарушылар және басқа да құрылымдар қатысты. Онда қару-жарақты шашып-жинау, футбол және басқа да спорттық жарыстар ұйымдастырылды.
«Жас бүркіт» қозғалысының өкілдері қару-жарақты шашып-жинау және футбол сайыстарында 1 және 2 орыға ие болып, медаль мен сыйлықтармен марапатталды. Барлық балаларға балмұздақ пен тәтті таратылды.
Шараға бөлім командирінің бірінші орынбасары – штаб бастығы полковник Нұрлан Аздеров пен тәрбиелік және әлеуметтік-құқықтық жұмыстар бөлімшесінің көмекшісі капитан Динара Жақсыбаева қатысты.
Айта кетейік, Мемлекет басшысы Қасым-Жомарт Тоқаев Ұлттық құрылтайдың IV отырысында балаларға қамқорлық көрсетуді мемлекеттік саясаттың басты басымдығы ретінде атап өткен болатын. Осы іс-шара да балалардың құқықтарын қорғауға және олардың қауіпсіз ортада тәрбиеленуіне бағытталған маңызды бастамалардың бірі болды.
«Жетісу-Ақпарат»
